Banaanbax keenay dhimasho oo ka dhacey Tog Wajaale

Banaanbax keenay dhimasho oo ka dhacey Tog Wajaale

Wararka naga soo gaadhaya Magalaada Tog Wajaale ee Gobolka Faafan ayaa sheegaya in maanta duhurkii uu magaaladaas ka dhacey banaanbax balaadhan oo lagaga soo horjeedo xukumada Itoobiya iyo gacanyarayaasheeda.

Sida dadka magalada ku sugan noo xaqiijiyeen banaanbaxan ayaa waxaaa ku dhintey 3 qof oo 2 Gabdho yihiin midna Wiil dhalinyaro ah,  kadib markii Ciidamada Itoobiya iyo kooxda Liyu Police ay rasaas ku fureen shacabkii dibad baxayey.  Sidoo kaloe dhaawaca ayaa lagu sheegay in tiradoodu kor u dhaafsantahay 10 qof oo qaar ka mid ah uu soo gaarey dhaawac halis ah.

Dadka dhintey ayaa magacyadoodu naloogu kala sheegay:

  1. Khadar Maxamed Ciise
  2. Xaali Gaas
  3. Idil (oonaan magaceeda oo sedaxan helin)

Banaanbaxa ka dhanka ah xukumada Itoobiya ayaa ku sii fiidaya Gobolada Ogadeniya, iyadoo tobadaadyadii la soo dhaafey uu magalaada Diri Dhaba iyo dhamaan Gobolka Shiniile aad ugu baahey.

Dhinaca kale, askarta Itoobiya iyo gacanyaryaashooda ayaa waxay dadka guryaha uga soo saarayaan si qasab ah iyaga oo ku amraya in ay dhigaan banaanbax lagu taageerayo dawlada Itoobiya. Bananabaxan oo ujeedadiisu tahay in caalamka lagu tuso in shacabka Ogadeniya taageersanyahay dawlada Itoobiya.  Ilaa hada falkan uma hirgelin wuxuuna keenay in dad badan oo shaab ah xabisyada loo taxaabo, qaar kalena si toos ah loo toogto.




Recent Videos

Loading...




error: Content is protected !!