Wararka naga soo gaadhaya Magaalada Dhagaxbuur ayaa sheegaya in 3 Tuulo dadkii deganaa ay Ciidamada Itoobiya xabsiga u taxaabeen.
Tuulooyinkan oo u dhow Cobole ayaa kala ah, Dhakaabaxaro, Ciinleey iyo Boodhley oo ay Ciidamada Itoobiya todobaadkii hore xasuuq ba'an ka geysteen.
Sida warku sheegayo dadka xabsiga loo taxaabey ayaa waxaa ka mid ah Wiil Dhakhtar u ahaa 3da Tuulo oo magaciisa lagu sheegay Abdiraxman Maxamuud oo fadhigiisu ahaa Boodhley.
Dadkan ayaa xiligan xaadieka ah ku xidhen Xerada Ciidamada Itoobiya ee Magaalada Dhagaxbuur.
Kaligii Taliye Meles Zenawi ayaa laba todobaad ka hor mar uu saxaafada la hadlayey sheegay in uu talaabo ka qaadi doono dadka degen Gobolka Dhagaxbuur oo uu sheegay in qabiil ka mid ah dadkaas ay yihiin waxa dagaalka k wada dawladiisa.
Subscribe to this comment's feed
