Kulan ay soo qaban qaabisay Jaaliyada Ogaden ee Edmonton, Alberta , Canada ayaa Bisha Dec 31, lagu qabtey hotel ka mid ah Hotelada ugu caansan magaalada Edmonton, Ujeedada kulankan ayaa ahaa kaalinta ay Jaaliyda Alberta ka qaadan karto kalfadhiga Jaaliyadaha Ogadeniya oo sanadakan loo qoondeeyey in lagu qabto Magaalada Toronot, Cannada, jalfadhigaas oo dhici doona xiliga kuleylaha.
Shirkan oo si habsami leh looga soo qayb gay, ayaa waxay dadweynihii goobta joogey ka soo kala safreen magaalooyinka Fort Macmuray , Calgary, Alberta iyo Toronto. Kasoo qayb gakayaasha ayaa waxaa ka mid ah Odey dhaqameedayada, madax ka mid a ONLF, aqoonyahano, dhalinyari iyo Ururuka Haweenka Ogadeniya ee Govlka Alberta iyo nawaaxigiisa.
Gudoomiyaha Jaaliyada Ogaden ee Edmonto, Mudane Abdirahmaan ayaa ka warbixiyey wax qabadka Jaaliyda Edmonton ee sanadkii la soo dhaafey, wuxuuna wax ka taataabtey shaqooyinka horyaala sanadka cusub, isaga oo tilmaamey in Jaaliyada Ogaden ee Edmonton si hagar la'aan ah u dhaqaale iyo niyadba u taageeri doonto kalfahdiga Jaaliyadaha Ogaden ee Calaamka.
Professor Mohamed Haasan isaga oo adeegsanaya aqoonta uu leeyahay ayuu dadkii kulanka joogey la wadaagey kharasha loo qoondeeyey in uu ku baxo shirweynaha Jaaliyadaha, isaga oo mid, mid u kala dhig dhigey qaabka qarashakaasi ku baxayo. Sidoo kale oo sheegay in qorshaha sanadkan ee kulanka Jaaliyadaha si uu u noqdo mid guul dhala lagu tala jiro in 1 maalin dhan loo qoondeeyo dood cilmiiyeed dhexmarta aqoonyahano, si loo qaadaa dhigo sababha ka dabeeya in bulsdhada caalamku jawaab ka bixin weydo dhibaatada Ogadeniya ka taagan, gaar ahaan waxaa si gooni ah loo qorsheeyey mid la xidhiidha kalfahdiga sanadkan ee Jaaliyadaha.
Professor-ka ayaa mahadnaq balaadhan u soo jeediyey Jaaliyada Ogaden ee Edmonton yio guuda ahaan Jaaliyada Alberta. Waxa uuna tilmaamey sida sida ay muhuum u tahay in Jaaliyadu si buuxda uga qabqaadato kalfadhiga Jaalidaha Ogadeniya ee Caalamka si uu kalfadhigu u noqdo mid midho guul ah dhala. Jaaliyada Edmonton uu uu horkacyo Gudoomiyaha Jaaliyada, Odey dhaqameedyada, iyo aqoonyahanada ayaa dhinacooda ka muujiyey in ay taageero buuxda u hayaan Kalfadhiga, ilsa markaana waftti balaadhan u soo diri doonaan Kalfadhiga Jaaliyadaha ee sanadkan ka dhivi doona Toronto
Sawirada shirkan waan idinla wadaagi doonaa, marka ay na soo gaadhaan.
Subscribe to this comment's feed
