Ogaden Online: The official homepage of Ogaden on the Internet

Madaxweynaha  dowlada Eritrea Isaias Afwerki ayaa si kulul u canbaareeyay howgalka midowga Afrika ee Somaaliya,isagoo ku eedeeyey inaysan soomaaliya u joogin nabad ilaalin.   
Isaias Afwerki ayaa sheegay in wadamada ay ka yimaadeen ciidamada AMISOM ee ku sugan gudaha magaalada Muqdisho sida : Uganda iyo Burundi ay dhibaato nabadgalyo darri ahi ka taagan tahay wadamadooda. 

Madaxweyne Isaias ayaa ku  sheegay imaatinka ciidamada ka socda wadamada Uganda iyo Burundi in uu kaalmo u ahaa ciidamadii Ethiopia ee Soomaaliya ku soo duulay Sanadkii 2006-tii oo markaasi kaalmo Military ka helayay maamulkii dhacay ee wadanka Mareykanka ee Bush.Isaias Afwerki waxaa uu sheegay in ciidamdaaasi aaney aheyn kuwo u ogol dadka Soomaaliyeed in ay wada hadlaan oo ay aayahooda ka tashadaan isla markaana iyagoo isbeheysi la ah Ethiopia ay Soomaaliya joogaan


Cabdinuur Sh. Maxamed
Radio Xoriyo