|
|
|
|
|
"Xil ka qaadis
lagu sameeyo Shariif Xasan waa wax aan sharci aheyn" |
Jabuuti: jan 16, 2007
Xildhibaan
Maxamed Cabdi Yuusuf oo ka mid ah
Xildhibaanada ay isku fakarka yihiin ninka
majaraha u haya Baarlamaanka KMG ka ah ee
Soomaaliya ayaa sheegay in xil ka qaadis
lagu sameeyo Gudoomiyaha ay tahay wax aan
Sharci aheyn.
Xildhibaanka ayaa shaaciyay in maalmahan
dambe ay ka warhayeen waxa uu ku sheegay
nuhnuhda ka soo yeereysay qaar kamid ah
Xildhibaanada ku sugan Magaalada Baaydhabo
taas oo ah ayuu yiri in ay diyaarinayaan
Mooshin xilka looga qaadayo Gudoomiyaha
Golaha Baarlamaanka Shariif Xasan Shiikh
Aadan.
Maxamed Cabdi Yuusuf oo ah Xildhibaan ay aad
iskugu fakar dhowyihiin Gudoomiye Shariif
Xasan ayaa shaaciyay in qaar kamid ah
Xildhibaanada Baaydhabo ay fakfakad u yihiin
Xil ka xayuubin ay ku Sameeyaan
gudoomiyahooda Hase ahaatee arinkaasi uu
yahay mid aan sharci aheyn.
" Sida aan nuhnuhda ku maqleyno waxaa jira
Xildhibaano doonaya in Xilka laga qaado
Shariifka hase ahaatee wexey ku tumanayaan
Dastuurka Dowlada ayuu yiri Xildhibaan
Maxamed Cabdi Yuusuf.
Maxamed Cabdi Yuusuf oo Saaxafada la
hadlayay isagoo ku sugan Magaalada Jabuuti
ee Dalka Jabuuti ayaa waxaa uu qaar kamid ah
Masuuliyiinta Dowlada ku Cambaareeyay in ay
u ololeynayaan ridida Gudoomiyaha
baarlamaanka islamarkaana ay arinkaasi keeni
karto Khilaaf hor leh oo soo kala dhex gala
Mudanayaasha Baarlamaanka.
Ugu dambeyntii Xildhibaanka ayaa hadalkiisa
kusoo afmeeray " Xildhibaanadaas wexey
doonayaan in ay dalka ku hayaan Cadowga
islamrkaana wexey wadaan qorshe aan u Caqli
gal aheyn oo aan u qalmin Umada Soomaaliyeed
"
Ismail Haji
Ogaden Online News |
|
|
|
|
