|
Dagaallo lagu waxyeelleeyay ciidammada
gumaysiga
Dhawrkii maalmood ee u deneeyay dagaallo
badan oo dhex-maray CWXO iyo kuwa gumaysiga
Itoobiya waxaa ciidammada gumaysiga lagaga
dilay 42 askari, waxaa sidoo kale lagaga
dhaawacay 44 askari, sidasna waxaa noo soo
tabiya wariyaha nooga soo warrama dalk
Ogadeenya. Dagaalladaasi waxay u dheceen
sidatan;
11/09/08 dagaal ka dhacay Cadaad-dhere, oo
Fiiq ka tirsan, waxaa ciidammada gumaysiga
lagaga dilay 1 askari, 2 kalana waa lagaga
dhaawacay.
08/09/08 Waylo-qanjidh, oo Dhuxun ka tirsan,
dagaal ka dhacay waxaa ciidammada gumaysigu
lagaga dilay 9 askari, 7 kalana waa lagaga
dhaawacay.
07/09/08 dagaal isaguna ka dhacay Qurux-boob,
oo Dhuxun ka tirsan, waxaa ciidammada
gumaysiga lagaga dilay 1 askari, 2 kalana
waa lagaga dhawacay.
06/09/08 Maygaag-wayne, oo Fiiq ka tirsan,
dagaal ka dhacay waxaa ciidammada
caga-jiidka ah ee gumaysiga Itoobiy lagaga
dilay 2 askari, 1 kalana waa lagaga dhaawcay.
05/09/08 Ugunje, oo degmada Dhuxun ka tirsan,
dagaal adag oo ka dhacay waxaa ciidammada
gumaysiga lagaga dilay 16 askari, 9 kalana
waa lagaga dhaawacay.
02/09/08 cutub ka tirsan CWXO ayaa weerar
dhabba-gal ah ku qaaday ciidammo gumaysigu
leeyahay oo ku sugnaa Roga, oo Hurso ka
tirsan, waxayna kaga dileen 10 askari, 18
kalana way kaga dhaawaceen.
28/08/08 Jufo, oo Dhagaxmadow ka tirsan,
dagaal ka dhacay waxaa ciidammada gumaysiga
lagaga dilay 1 askari, 2 kalana waa lagaga
dhaawcay.
28/08/08 dagaal isaguna ka dhacay Roga,oo
Hurso ka tirsan, waxaa ciidammada gumaysiga
lagaga dilay 2 askari, 3 kalana waa lagaga
dhaawacay.
Kufsi
03/09/08 Jeerinka, oo Fiiq ka tirsan, ayay
ciidammada gumaysigu ku kufsadeen hooyo lagu
magacaabo Shugri.
18/08/08 Heella-dheere, oo Garbo ka tirsan,
waxay ciidammada gumaysigu ku kufsadeen
gabadh yar oo lagu magacaabo Ifraax Babyad
Yuusuf.
Safiirka USA oo booday Ogadeenya
Dhinaca kale safiirka waddanka Maraykanka u
fadhiya magaalada Addis Ababa ee xarunta
gumaysiga Itoobiya ayaa shalay isniintii
booqday magaalooyinka Godey iyo Qabridaharre.
Ilaa iyo hadda faahfahin dheeraad ah lagama
bixinin sababta uu meelahaas u booqday iyo
jawaabta uu ka bixiyay wixii uu ku soo arkay
meelihii uu booqday.
Mucaradka Itoobiya oo diiday hadalkii
xukuumadda ee abaaraha la xidhiidhay
Labo xisbi oo mucaarad ku ah taliska Addis
Ababa ayaa ku gacan saydhay hadal
toddobadkii hore ka soo yeedhay xukuumadda
kaligii taliye Meles Zenawi oo ku saabsanaa
in la mareeyay dhibatadii Abaaraha ee ka
jirtay Itoobiya iyo Ogaadeenya.
Ku xigeenka kaligii taliye Zenawi, ahna
wasiirkiisa beeraha Addisu Legesse ayaa
badhtamihii toddobadkii hore sheegay in si
fiican loo maareeyay dhibatadii Abaaraha,
isla markaana ayna ahayn dhibaato ka baxsan
awoodda xukuumadda.
Xisbiyada mucaradka ah ee OFDM iyo UEDF ayaa
sheegay inayna rumaysnayn in dhibatada
abaraha xal loo helay oo xukuumaddu ay karti
u leedahay inay wax ka qabato.
Xukuumaddu waxay bilihii la soo dhaafay oo
dhan lahayd dhibatadii waan maaraynay,
iyadoo ay masiibadii halkeedii ka sii socoto,
sdaas waxaa yidhi guddoomiyaha xisbiga OFDM
Bulcha Demeksa. Wuxuu kaloo intaas ku daray
in xukuumaddu ay hadalkaas ku celcelinaysay
lixdii bilood ee la soo dhaafay, halka dadka
Abaaraha ku waxyeelloobayna ay malayiin
gadhayaan.
Wakiil u hadlay xisbiga UEDF oo lagu
magacaabo Gebru Gabremariam ayaa isaguna
sheegay in xukuumaddu ay hadal been ah ku
celcelinayso, wuxuuna masiibo ku tilmaamay
in xukuumaddu ay siyaasad u isticmaasho
kaalmooyinka loogu talagalay dadka
tabaalaysan. Wuxuu kaloo intaas ku daray in
dadkan dhibataysan ay xukuumaddu u diidday
in wax kaalmo ahi gaadho, iyadoo sababtuna
ay tahay inay yihiin dad aan xukuumadda
tageersanayn. Wuxuuna tilmamay in Abartani
ay tahay mid an Itoobiya horay u soo marin,
isla mrkaana ay ka daran tahay middii
dhacday sannadkii 1984, hase yeeshee ayna
xukuumadda Meles wax dan ah ka lahayn cidda
ku waxyeelloobaysa.
16 September 2008
C/nuur Sh. Maxamed
Radioxorio@radioxoriyo.com
Raadioxoriyo@yahoo.com
Radio Xoriyo waxaad ka dhegaysan kartaa
Mawjadda 41 MB ee dhererkeedu yahay 9445
KHZ, iyo internetka http://Radioxoriyo.com
iyo http://Ogaden.com Maalinta Talaadada ah
7:00PM - 8:00PM waqtiga Afrikada Bari |
