• Dagaallo lagu jabiyay ciidamada cadowga Itoobiya

• Dhibaatooyin gumaysigu u gaystay dadwaynaha

• Ururka dhaliyarada Ogaden ee Denmark(OSF-DK) oo sabtidii shir isugu yimid.

• Halgame Gamaadiid iyo mudane Cabdullahi Colaad oo shirkaas khudbado dhaxal gal kasoo jeediyey

Dagaallo lagu jabiyay ciidamada cadowga Itoobiya

Wariyaha RX uga soo warrama dalka Ogaadeenya ayaa noo soo sheegay dagaallo badan oo si wayn loogu jabiyay ciidammada caga-jiidka ah ee gumaysiga Itoobiya. Dagaalladu waxay u dheceen sidatan;

08/03/08 Barraajisaale waxaa weerar dhabba-gal ah loogu gaystay kolonyo baabuur ah oo ciidammada Itoobiya wateen, waxaana weerarkaas lagaga duilay inta la ogyahay 6 askari, 11 kalana waa lagaga dhaawacay.

Isla 08/03/08 dagaal adag oo ka dhacay Madheedh, oo Dhagaxbuur ka tirsan, waxaa ciidammada gumaysiga lagaga dilay 22 askari, 11 kalana waa lagaga dhaawacay.

Sidoo kale 08/03/08 Kurtun, oo Dhagaxbuur ka tirsan, waxaa ciidammada gumaysiga lagaga gubay hal baabuur oo Uuraal ah, kaasoo ay ku dhinteen in ka badan 50 askari oo baabuurkaas saarnaa.

06/03/08 cutub ka tirsan CWXO ayaa weerar mir ah ku qaaday ciidammada gumaysiga ee fadhigoodu yahay magaalada Shilaabo, waxayna gaadhsiiyeen khasaare aan faahfaahintiisa la haynin.

05/03/08 dagaal ka dhacay Ceel-dhiig, oo Fiiq ka tirsan, waxaa ciidammada gumaysiga lagaga dilay 3 askari, 6 kalana waa lagaga dhaawacay.

Sidoo kale 05/03/08 dagaal isaguna ka dhacay Mara-maydh, waxaa ciidammada gumaysiga lagaga dilay 6 askari, 5 kalana waa lagaga dhaawacay.

Isla 05/03/08 weerar gaadmo ah ayaa Jeerinka loogu gaystay ciidammo gumaysigu leeyahay oo halkaas hawlgal u joogay, waxaana lagaga dilay 3 askari, 4 kalana waa lagaga dhaawacay.

Sidoo kale 05/03/08 dagaal ak dhacay Randa, oo Dhanaan ka tirsan, waxaa ciidammada gumaysiga lagaga dilay 2 askari, 3 kalana waa lagaga dhaawacay.

04/03/08 dagaal ka dhacay Dar-dheer, oo Garbo ka tirsan, waxaa ciidammada gumaysiga lagaga dilay 3 askari, 2 kalana waa lagaga dhaawacay.

03/03/08 dagaal ka dhacay War-gaadsan, oo degmada Gunagado ka tirsan, waxaa ciidammada gumaysiga lagaga dilay 5 askari, 6 kalana waa lagaga dhaawacay.

02/03/08 dagaal isaguna ka dhacay Caga-jiid, oo Garbo ka tirsan, waxaa ciidammada gumaysiga lagaga dilay 5 askari, 4 kalana waa lagaga dhaawacay.

01/03/08 dagaal ka dhacay Ceebla-cad, oo ka tirsan degmada Sagag, waxaa ciidammada gumaysiga lagaga dilay 3 askari, 2 kalana waa lagaga dhaawacay.

27/02/08 dagaal ka dhacay Tuuro-camuudley, oo Malayko ka tirsan, waxaa ciidammada gumaysiga lagaga dilay 9 askari, waxaa sidoo kale lagaga dhaawacay 4 askari.

24/02/08 dagaal isaguna ka dhacay Dar-dheer, oo Garbo ka tirsan, waxaa ciidammada gumaysiga lagaga dilay 1 askari, 1 kalana waa lagaga dhaawacay.

28/02/08 waxaa weerar mir ah lagu qaaday ciidammo gumaysigu leeyahay oo halwgal u joogay Bacaadka Malayko, waxaana la gaadhsiiyay khasaare aan faahfaahintiisa la haynin.

Dhibaatooyin gumaysigu u gaystay dadwaynaha

Ciidammada gumaysiga ayaa dhibaatooyin kala duwan u gaystay dadwaynaha rayadka ah ee Ogaadeenya meelo kala duwan oo Ogaadeenya ka mid ah.

Dil

08/03/08 waxay ciidammada nacabka ah ee gumaysiga Itoobiya ku dileen nin shacab ah oo lagu magacaabo Gaani Maxamed magaalada Dhuurre, oo ka tirsan degmada Qabridaharre.

07/03/08 Laan-dheer, oo Qorraxey ka tirsan, waxay ciidammada gumaysigu ku dileen nin shacab ah oo lagu magacaabo Caydiid Cali Faarax. Ninkani wuxuu ifka kaga tagay 8 carruur ah oo isagu u shaqayn jiray.

03/03/08 waxay ciidammada gumaysigu xasuuq ba’an u gaysteen dadwaynaha ku dhaqan tuulada Gadh-malow, oo ka tirsan gobolka Shinniile. Dhibaatada xasuuqani waxay saamaysan dadwayne 80 gaadhaya, kuwaasoo isugu jira wax la dilay, wax la dhaawacay iyo wax dhibaatooyin kale soo gaadheen.

Kufsi

03/03/08 Barmiilka waxay ciidammada gumaysigu ka soo qaqabteen oo Dhuxun ku xidhxidheen magaalada Dhuxun labo gabdhood, kuwaasoo ay sidoo kala faraxumeeyeen. Gabdhahan waxaa lagu kala magacaabaa;
1- Nasteexo Xasan iyo
2- Dhuux Qorane

Xidhay iyo dhac

08/03/08 dad badan ayay ciidammada gumaysigu ka soo xidhxidheen magaalada Baka, waxayna dadkaas ku xidhxidheen magaalada Birqod. Dadkaasi waxay kala yihiin;
1- Nimco Axmed Warmooge
2- Iyo Gabdh ay dhashay oo Nasra lagu magacaabo
3- Cabdi Xuseen Cumar
4- Axmed Barkhadle Ibraahim
5- Maxamed C/llaahi
6- Axmed Baddal iyo
7- Carrab-low Sh Axmed

Sidoo kale 08/03/08 Boholaley, oo Dahagaxbuur ka tirsan, waxay ka soo qaqabteen oo Dhagaxbuur ku xidhxidheen labo nin oo kala ah;
1- Shaafi Xaashi Caydiid oo ay 1 Qori ka dhaceen iyo
2- Dhagawayne Eemaar oo ay isagana 1 Qori ka dhaceen

07/03/08 Malabley, oo ka tirsan degmada Dhanaan, waxay ciidammada ka soo qaqabteen oo ku xidhxidheen magaalada Dhanaan dad shacab ah, kuwaasoo ay sidoo kale ka dhaceen Qoryo badan. Dadkani waxay kala yihiin;
1- Maxamed Xaashi Qorane oo ay ak dhaceen 1 Qori oo Baasuuke ah
2- Yuge Caddow Macalin oo ay ka dhaceen 2 Qori
3- C/qaadir Maxamed Sugaal oo ay ka dhaceen 1 Qori
4- Mawliid oo ay isagana ka dhaceen 2 Qori iyo
5- Cumar Tamaan oo ay 1 Qori ka dhaceen.

06/03/08 Cali-fancad, oo Sagag ka tirsan, waxay ciidammada gumaysigu ku xidhxidheen dadka kala ah;
1- Shukri Shariif Muxumed iyo
2- C/nuur Shariif Muxumed

05/03/08 Barmiilka waxay ciidammada gumaysigu ku qabteen 5 baabuur oo dad shacab ahi leeyihiin, waxayna baauurtan ka dhaceen lacag dhan 17.000 oo Bir.

Sidoo kale 05/03/08 magaalada Dhagaxbuur waxay ciidammada gumaysigu ku xidhxidheen dad badan oo rayad ah, waxaana magacyadooda helnay dadka kala ah;
1- Khadra Saxardiid
2- Maxamed Dhagacadde
3- Cabdi Afwayne
4- Cabdi-daad Aw Cali
5- Jabane Aw Mahdi
6- Farxaan C/llaahi Axmed
7- Sh Axmed Maxamed
8- Cabdi-kabane Qoorgaab
9- Axmed Maxamed Sagal iyo
10- Maxamed Xaashi Khaliif

04/03/08 Cawl ku-dhal waxay ciidammada gumaysigu ka soo qaqabteen oo ku xidhxidheen magaalada Dhagaxbuur labada gabdhood eek ala ah;
1- Juweeriya Sheekh iyo
2- Xamda Dayib Xuseen

01/03/08 War-gaadsan, oo degmada Gunagado ka tirsan, waxay ciidammada gumaysigu ku xidhxidheen gabdhaha kala ah;
1- Iido Sh Maxamuud iyo
2- Sacda Sh Maxamuud iyo ilmo yaroo ay dhashay

Sidoo kale 01/03/08 Galaalshe waxay ciidammada gumaysigu ku xidhxidheen dadka kala ah;
1- Shariif Shaafi Shariif Xoogwayne
2- Sulub Dayib Gurxan oo ay 1000 Bir ka dhaceen
3- Cabdi Dayib Gurxan oo isagana ay 2000 oo Bir ka dhaceen
4- Maxamuud Dayib
5- Xasan dayib
6- Makhtal Dayib Xirsi
7- Xasan Cabdi Xabashi
8- Kamaal Shaafi
9- Sahra Ismaaciil Qayliye oo ay 1000 Birna ka dhaceen
10- Axmed-Kaafi Cabdi Cabdi Xaaji oo 800 oo Bir ay ka dhaceen
11- Koos Xuseen Yuusuf oo ay 700 oo Bir ka dhaceen
12- C/llaahi Dubbad oo ay 700 oo Bir ka dhaceen
13- Makhtal Sh Daahir oo 300 ay ak dhaceen
14- C/raxmaan Caroog oo ay 300 oo Bir ka dhaceen.

Waxay sidoo kale isla goobtaas jidhdil ba’an ugu gaysteen dadka kala ah;
1- Aw Aaden Xasan Nuur
2- Cabdi-Kaafi Maxamed iyo
3- Maxamed Cabdi.

01/03/08 ciidammada gumaysigu waxay magaalada Maraacaato, oo ka tirsan Qabridaharre, waxay dhac ugu gaysteen nin lagu magacaabo Macalin Cali oo ay 300 oo Bir ka dhaceen.

28/02/08 magaalada Garbo waxay ciidammada gumaysigu ku xidhxidheen dad badan oo rayad ah, waxaana ka mid ah;
1- Muraayad Xareed oo 80 jir ah
2- Siyaado Maxamed Nuur oo iyaduna 80 jir ah
3- Mustafe Cali Dhagawayne
4- Shukri Cabdi Faarax
5- Daahir Maxamed Sugulle
6- Ardo C/raxmaan iyo
7- Faadumo Macalin Cali

Gubis Tuulo

29/02/08 waxay ciidammada gumaysigu dab qabadsiiyeen tuulada Canbuul, oo ka taalla gobolka Shinniile. Waxay sidoo kale ciidammada gumaysigu bililqaysteen hantidii dadwaynaha ee tuuladaas taallay.



11 March 2008

Axmed Gaal-Eri

Radioxorio@radioxoriyo.com
Raadioxoriyo@yahoo.com

Radio Xoriyo waxaad ka dhegaysan kartaa Mawjadda 41 MB ee dhererkeedu yahay 9445 KHZ, iyo internetka http://Radioxoriyo.com iyo http://Ogaden.com Maalinta Talaadada ah 7:00PM - 8:00PM waqtiga Afrikada Bari