|
Abaaro
ba’an oo ka jira Ogaadeenya iyo meelo kale
Abaaro aad u ba’an ayaa laga soo sheegayo
meelo ay Ogaadeenya ka mid tahay, iyadoo ay
dadka biya la’aani fara ba’an ku hayso.
Dhibaatada abaartu waxay u badan tahay
gobollada bari ee dalka Ogaadeenya,
halkaasoo ay cidhiidhi galeen biyihii ay
dadka iyo xooluhu cabbi lahaayeen.
Meelaha qaarkood ayaa la sheegayaa in hawlo
biya-dhaamis ay ka socdaan, hase yeeshee
hawlaha biya-dhaamisku sidii la rabay uma
socdaan, waxaana ugu wacan xayiraada ay
ciidammada Itoobiya ku hayaan gaadiidka iyo
guud ahaanba dhaqdhaqaaqa dadwaynaha.
Abaarahani waxay sidoo kale ka jiraan
gobollada koonfurta Itoobiya oo cunto iyo
biyo la’aan darani ay ka jiraan. Xafiiska
Xidhiidhka Arrimaha Bani’aadamnimada ee
Qaramada Midoobay OCHA ayaa jimcihii sheegay
in abaartu ay keentay cudurro dadka ku
habsada iyo xoolaha oo aad u le’anaya.
Xafiiska OCHA wuxuu sheegay in qiyaastii
4660 Neef ay abaaraha dartood u dhinteen tan
iyo badhtamihii bishii hore ee Fabrwari.
Dhibaatada abaaraha ayaa laga cabsi qabaa
inay si saf-mar ah u saamayso gobolka Geeska
Afrika oo dhan. Abaarahan ayaa la rumaysan
yahay inay waxyeello ka soo gaadhi doonto
dad ay tiradoodu ud haxayso 11 iyo 14 milyan
oo qof. Dadkani waxay u badan doonaan xoolo
dhaqatada ku dhaqan Ogaadeenya, Soomaaliya
iyo qaybo ka mid ah Itoobiya iyo Kenya.
Diyaaradaha Maraykanka oo Soomaaliya
duqeeyay
Diyaaradaha dagaalka ee Maray ayaa shalay
isniintii duqeeyay magaalada Dhoobley oo ku
taalla koonfurta dalka Soomaaliya. Duqayntan
waxaa ku dhintay 4 qof, waxaa sidoo kale ku
dhaawacmay 20 qof.
Wasaarada Gaashaandhigga ee dalka Maraykanka
ayaa sheegtay in aroornimadii isniita ahayd
magaalada Dhoobley lagu riday seddex gantaal
oo lala beegsaday waxa ay ugu yeedhay xubno
Al-qaacida ah.
Dadwaynaha ayaa al sheegayaa inay ka
qaxayaan magaalada Dhoobley iyagoo ka cabsi
qaba in diyaaraha Maraykanku ay weerarro
kale magaalada kus oo qaadaan. Dadka deggan
magaalada Dhoobley ayaa sheegaya in
diyaaraduhu ay wali dul-heehaabayaan
magaalada.
Xoogag islaamiyiin ahaa ayaa la sheegay inay
toddobaadkii hore qabsadeen meel ku dhaw
magaalada Dhoobley, isla markaana ay
magaalada yimaadeen.
Afhayeen u hadlay wadaasarda Gaashaandhigga
Maraykanka ayaa diiday inuu sheego cidda ay
weerarka la beegsadeen iyo weerarkaas laga
gaadhay ujeeddadii laga lahaa.
Xoogag ka tirsan kooxaha Soomaaliya ka
dagaallama ayaa isniintii qabsaday magaalada
Buur-xakabo, iyadoo al sheegay inay dileen
taliyihii booliska ee magaaladaas iyo afar
kale oo boolis ah.
Kampala: Shirk u saabsan dhakhaatiir
la’aanta Afrika
Shirkii ugu horreeyay ee lagaga hadlo
dhibaatada adduunka ka haysata hoos u-dhaca
ka jira shaqaalaha caafimaadka ayaa ka
furmay magaalada Kampala ee dalka Uganda.
Ururka Caafimaadka Adduunka WHO ayaa sheegay
in gaar ahaan dalalka soo koraya ay u baahan
yihiin 4 milyan oo isugu jira dhakhaatiir,
kalkaaliyayaal caafimaad, ummulisooyin iyo
shaqaalo kale oo xirfad u leh arrimaha
caafimaadka.
Ururka WHO wuxuu sheegay in hoos u-dhaca
shaqaalaha caafimaadku uu saamayn xun ku
yeeshay daryaaelka caafimaad ee asaasiga ah,
sida tallaalka carruurta, ummulida
hooyooyinka iyo dawaynta cudurrada.
Baahida ugu badan waxay haysataa 57 waddan
oo intooda badan ay ku yaallaan qaarada
Afrika. Dadka arrimaha caafimaadka barta ee
u dhashay qaaradaha Afrika iyo Aasiya waxay
inta badan u doolaan wadammada hodonka ah oo
mushaarooyinka iyo wadciga nololeedba ay ka
wanaagsan yihiin kuwa dalalkooda.
Qiyaas ahaan afartii dhakhtar ee Afrika wax
ku bartaba mid ka mid ah ayaa ka shaqeeya
dalalka horumaray.
Shirkan, oo ay ka qayb galayaan wasiirrda
caafimaadka ee dalalka ay dhibaatadani sida
xun u saamaysay, waxay ujeeddadiisu tahay in
indhaha caalamka lagu soo jeediyo dhibaatada,
si tallaabo looga qaado.
Ururka WHO ayaa sheegay in loo baahan yahay
waxbarasho iyo tababarro dhinaca caafimaadka
ah oo laga hirgaliyo dalalka ay dhibaatadani
ak jirto, si kor loogu qaado tirade
xirfadlayaasha caafimaad.
Hase yeeshee waxaa sidoo kale lagu baaqay in
wax laga beddalo sharciyada dalalka
horumaray ee la xidhiidha dejinta dadka
aqoonta u leh arrimaha caafimaadka.
Sannadkii 2003 wuxuu dalka UK ruqso sharci
siiyay dhakhaatiir gaadhaysa 11065 oo ka
kala yimid dalalka Koonfur Afrika, Zembawe,
Nigeria iyo Ghana.
Haweeney lagu magacaabo Shuun Maxamed
Kheyr Sheeg oo aqalkeeda lagu dilay
Mar 01, 2008 Wararka naga soo gaadhaya
ogadenya ayaa sheegaya in habeenimadii
Sabtida ahayd 01-03-208 xili hiraabtii ah
lagu dilay aqalkeeda Shuun Maxamed
Kheyr-Qabe, iyada oo halkaas dhaawac loogu
gaystay ninkeedii oo lagu magacaabo Maxamed
Sheekh Axmed Yuusuf.
Dhacdadan naxdinta leh ayaa aroornimadii
laga dareemay magaalada Dhagaxbuur, gaar
ahaan Xaafada 3aad oo ah goobta falkani xumi
ka dhacey. Sida warku sheegayo waxaana
Isbitaalka loola cararay ninka dhaawaca ah.
Falkan ayaa waxaa ka dambeeyey ciidanka
gumaysiga Itoobiya ee ka hawgala Dhagaxbuur,
arintaas oo uu cadeeyey ninka dhaawaca ah ee
qabay gabadhaas la dilay, kadib markii
Isbitaalka la geeyey Maxamed Sheekh Axmed
Yuusuf ayaa la weydiiyey cida dishay inuu
garanayo wuxuuna si cad u yidhi "waxaa
xaaskaygiina dilay anigana i dhaawacay
ciidanka Itoobiya".
Lama oga ilaa iyo hada waxa reerkaas lagu
galay, waxaase loo gartay inay kamid tahay
gumaadka ay gumaysigu ku hayaan shacabka
rayidka ah.
Marxuumad Shuun Maxamed ayaa ka tagtay shan
ciyaal ah oo hurday xiliga sariirteeda lagu
tooganayay.
Dhinaca kale, Wiil lagu magacaabo Cabdigurey
Cumar Amaadin oo ah 27 jir ah ayaa bishii
Feb 27keedii yay ciidamada tireegu ku dileen
tuulada Dharkeynley oo ka tirsan Gobolka
Dhagaxbuur, marxuumkaas ayaa sida naloo
xaqiijiyay ay isagoo socda qabteen kadibna
goobtaas ku dileen. Dadka deegaankaas ayaa
maydkiisa meeshaas ka helay isla maalintiiba
kadibna meeshaas ayaa lagu aasay.
04 March 2008
Axmed Gaal-Eri
Radioxorio@radioxoriyo.com
Raadioxoriyo@yahoo.com
Radio Xoriyo waxaad ka dhegaysan kartaa
Mawjadda 41 MB ee dhererkeedu yahay 9445
KHZ, iyo internetka http://Radioxoriyo.com
iyo http://Ogaden.com Maalinta Talaadada ah
7:00PM - 8:00PM waqtiga Afrikada Bari |
