|
|
|
|
|
|
|
Barnaamijkii Radio Xoriyo 18 December 2007.
|
|
-
Askar
badan oo laga laayay gumaysiga
-
Jaaliyada
Ogaadeenya ee Swedan oo shir wayn yeelatay
-
Dad
soomaaliyeed oo ku dhammaaday xeebaha Yeman
-
Guurtida
Ogadenya ee Wadanka Ingiriiska oo shir iskugu yimid.
-
Wargeyska
NY Times oo sheegay in Itoobiya ku qasbeyso dadka
shacabka dagaalka ay kula jirto ONLF
|
Askar badan oo laga laayay gumaysiga.
Dagaallo Khamiistii ka billowday nawaaxiga
Galaalshe oo dhex-maray CWXO iyo kuwa
gumaysiga Itoobiya ayaa jab ballaadhan loogu
gaystay ciidammada caga-jiidka ah ee
gumaysiga Itoobiya. Dagaalladan ayaa
ciidammada gumayisga lagaga dilay ilaa iyo
215 askari. Waxaa sidoo kale lagaga
dhaawacay tiro badan oo kale.
Ciidammada gumaysiga waxaa dagaalladan
lagaga furtay 55 Qori. Waxaa sidoo kale
gumaysiga dagaalladan lagaga gubay afar
Baabuur oo waawayn.
Dhawrkii maalmood ee u denbeeyay waxaa
dhaawicii ciidammada lagu daldalayay
diyaarado Helikobtarro ah, kuwaasoo si is-dabajoog
ah nawaaxigaas ugu soo noqnoqonayay.
Jaaliyada Ogaadeenya ee Swedan oo shir
wayn yeelatay
Jaaliyada Ogaadeenya ee waddanka Swedan ayaa
malintii jimcaha ahayd yeelatay shir wayn oo
ay ka qayb galeen dhammaan xubnaha
Jaaliyadda. Shirkan, oo ah mid sannadkiiba
mar la qabto, ayaa lagu falanqaynayay
barnaamijyadii Jaaliyada u hirgalay
sannadkan. Waxaa sidoo kale lagu
qaadaa-dhigay xaaladda Ogaadeenya iyo qaabka
ugu wanaagsan ee Jaaliyadu u gudan karto
hawlaha kaga aaddan halganka Ogaadeenya ee
JWXO hormuudka ka tahay.
Shirkan waxaa warbixin dheer ka jeediyay
guddoomiyaha Unugta JWXO ee Swedan oo ka
warbixiyay waxyaabihii u qbasoomay Unugta
iyo harumarka la taaban karo ee Unugtu
sannadku ku tallaabsatay.
Shirkan waxaa khadka tilifoonak kaga qayb
qaatay guddoomiye ku xigeenka labaad ee JWXO
mudane C/qaadir Hirmooge oo si waafi ah uga
warbixiyay halganka Ogaadeenya iyo guulaha
waawayn ee CWXO ka soo hoyiyeen ciidammada
caga-jiidka ah ee gumaysiga Itoobiya.
Guddoomiye ku xigeenku wuxuu xubnaha
Jaaliyada kula dardaarmay inay dadaalkooda
sii labanlaabaan, isla markaana iska
ilaaaliyaan shirqoollada uu gumaysigu u
maleegayo.
Dad soomaaliyeed oo ku dhammaaday xeebaha
Yeman
Wararka ka imanaya dalka Yeman ayaa sheegaya
in ugu yaraan 56 qof oo soomaali iyo
itoobiyaan isugu jira ay qarqeen xeebaha
koonfureed ee dalka Yeman. Dhakhaatiirta aan
Soohdinta lahayn ayaa axaddii sheegay inuu
xeebaha dhinaca koonfureed ee dalka Yeman ka
soo saaray maydka 56 qof oo isugu jira rag,
dumar iyo carruur.
Dhakhaatiirta aan Soohdinta lahayn ayaa
sheegay inay maydka dadkaas ka soo ururiyeen
dhul ballaciisu yahay 5 km oo ku dheraran
xeebta magaalada Al-Irqah maalnitii sabtida
ahayd. Waxay sidoo kale soo badbaadiyeen 49
qof oo kale.
Dadka la badbaadiyay ayaa sheegay inay ka
soo baxeen magaalada Boosaaso seddex
maalmood ka hor, isla markaana ay doonayeen
inay tegaan dalka Yeman. Dadkan la asoo
badbaadiyay waxay sidoo kale sheegeen inay
ahaayeen 148 qof, oo 40 dumar ah iyo 5
carruur ahi ay ku jiraan.
Guurtida Ogadenya ee Wadanka Ingiriiska
oo shir iskugu yimid.
Maalinimadii axada ee taariikhdu kubeegnayd
16/12/07 waxaa hoolka jalaiyada london
kadhacay shir balaaran oo loo qabtay dhamaan
indheer garadka & odayaasha reer ogadenia ee
kudhaqan wadanka ingiriska.
Shirka ayaa waxaa lagu macsuumay gudoomiyaha
JWXO Add max,ed omar osman &madax sar sare
oo katirsan Jwxo oo uukamid yahay isku
duwaha jaaliyadaha ogadenya mudane max,ed
macalin
Gudoomiyaha jaaliyada Ogadenya ee wadanka
ingiriiska mudane Taahir xasan C/laahi {Tamuuje}
oo shirkaas furay ayaa kusoo dhaweeyay
gudoomiyaha jwxo Admiral Maxamed Cumar
Cismaan,wuxuuna gudoomiyuhu si waafi ah uga
war bixiyay xaalada ogadenia & siyaasada
Jwxo ee dibada isagoo daaha karogay guulaha
muuqda ee ay ka gaadheen dhanwalba .
gudoomiyaha Jwxo ayaa sidoo kale tilmaamay
baahida loo qabo in la helo guurtida
ogadenia ee wadanka ingiriiska iyo muhiimada
ay leedahay isagoo kubooriyay inay gudi
macquul ah dhistaan, odayaasha oo ubadnaa
rag magac kuleh bulshada dhaxdeeda ayaa si
farxadi kujirto usoo dhaweeyay hindisaha
masuliyiinta jwxo Isla markaana cabiray
dareen kooda ku aadan halganka & sida ay uga
xunyihiin dhibaatada lagu hayo shacbiga aan
waxba galabsan ee gumaysiga arxan laawaha
ahi ku waxyeelaynayo ogadenia iyagoo
kudhaartay inay uhiilinayaan shacbigoda hiil
& hoona lagarabtaagan yihiin halganka xaqa
ah ee Jwxo hormuudka katahay
Shirka oo sidii logu talagalay udhacay ayaa
waxaa lagu doortay gudi kakooban 10 xubnood
oo hogaan unqon doonta dadwaynaha reer
ogadenia ee wadanka ingiriiska, waxaana
halkaas lagu soo gabagabeeyey shirkas,iyagoo
ku balamay inay isugu yimaadaan shir kale oo
dagdag ah kaas oo lagaga arinsan doono
howalaha looga baahanyahay guurtida .
Wargeyska NY Times oo sheegay in Itoobiya
ku qasbeyso dadka shacabka dagaalka ay kula
jirto ONLF
Waregyska NY Times ayaa warbixino dheedheer
oo uu bogiisa hore ku soo daabacey Maalmihii
Jimcaha iyo Sabtida ku sheegay in Xukumada
Itoobiya dadka shacabka ah ee aan tababareyn
ku qasbeyso dagaalka. Dadkan shacabka ah oo
ay ka mid yihiin macaliiminta, Dhakhaatiirta,
shaqaalaha xafiisyda iyo kuwa ka shaqeeya
hay'adaha horumarinta oo ay maalgiyaan
Bankiga Aduunka iyo Jimciyada Qurumaha ka
dhaxeysa, si ay ula dagaalamaan Jabahada
ONLF. Sida laga soo xigtey Diblomaasiyiinta
Reer Galbeedka, dadka qaxootiga ah iyo
mas'uuliyiin ka mid ahaan jirey Itoobiya oo
ka soo carary in aan dagaalka loo kaxeynin.
Itoobiya oo la ildarneyd la dagaalanka
Jabahada ONLF, ayaa hadana Ciidamadeedu
waxay dagaal dhiig badan ku daatay kula
jiraan Soomaaliya, halka ay kumanaan
ciidamadeeda ka mid ah ay ku sugan yhiin
Xuduuda Eritrea oo laga ayaabo in uu dagaal
ka qarxo ayaa hadana dooneysa in ay culeyska
Ciidamadeeda soo wajahay iskaga dhinto in
dadka shacabka ah la dagaalamaan Jabhada
ONLF. Ururada u dooda Xuquuqul insaanka ayaa
xukumada Itoobiya aad ugu dhaleeceeyey ku
tumashada Xuquuqul Insaanka oo aad u baahsan.
Sida dhawaan lagu helay warbixin , waxa ay
mas'uuliyiinta dawlada Itoobiya isagu
yeedheen Odey dhaqameedyada, Ganacsatada,
Dumarka iyo shaqaalaha dawlada in deegaan
waaliba sameeyo "Gudi nabadgelyo" oo ay
abaabulaan beelaha ay ka soo jeedaan si ay u
baabi'iyaan Jabahada ONLF iyo
taageerayaashooda. Dawlada Itoobiya ayaa
ONLF ku eedeysa in ay yihiin Urur Argagixiso
ah oo geystey dilal iyo qarxisyo, waxa ayna
sheegeen in dadka shacabka ahi iskaa wax u
qabso isku abaabulaan lana dagaalamaan
Jabahada ONLF.
Balse sida ay dad badan cadeeyeen, majiraan
wax shacab ah oo iskaa wax u qabso isku
abaabulay. Sida uu cadeeyey mid ka mid ah
Madaxda shaqaalaha samafalka ee Reer
Galbeedka, askarta Itoobiya waxa ay
yimaadaan Isbataalada si ay shaqaalaha
caafimaadka qasab ugu kaxeeyaan in ay dagaal
tagaan, iyaga oo ugu hanjaba qofkii diida in
la xiri doono. Tusaale ahaan waxaa meel
fagaaro ah lagu soo dhajiyey magacyada
shaqaalaha dawlada oo lagu amrayo in ay isa
soo xaadiriyaan, sida uu ku waramey mid ka
mid ah Xubnaha Baarlamaanka deegaanka iyo
laba ka mid ahaan jirey Maamulka Itoobiya oo
hada soo baxsadey. Kuwa badan oo ka mid ah
shaqaalaha dawlada oo diidey in ay isa soo
xaadiriyaan waxaa la dhigey Jeelka iyada oo
qaar ka mid ah la jir diley, waa sida ay ku
warameen xubinka ka midka ah Baarlamaanka
iyo kuwa ka midka ahaan jirey Maamulku.
Dadka shacabka ah ee dagaalka lagu qasbo
waxay ciidamada Itoobiya u adeegsadaan Gadh
wadayaal, Xamaali, turjumaan iyo askar,
waxaana loo diraa dhulka duurka ah iyaga oo
aan lahayn haba yaraatee wax tababar ah si
ay ula dagaalamaan Jabahad ku gaamurtey
dagaalka dhuumaaleysiga. Dagaaladii ugu
dambeeyey waxaa lagu diley qaar badan oo ka
mid ah shaqaalaha dawladda, sida ay ku
warameen Mas'uuliyiinta reer Galbeedka iyo
shaqaalaha hay'adaha samafalku.
"Qof kasta oo u shaqeeya dawlada, sida
macalimiinta, Dhakhaatiirka, shaqaalaha
Xafiisyada, iyo Maamulayaashu waa in ay ku
biraan maleeshiyada" Sidaas waxaa yiri XASAN
CABDI XIIS oo ahaan jirey Xisaabiye ka mid
ah shaqaalaha dawlada oo hada magan-geliyo
weydiisanaya dawlada Kenya, wuxuuna intaas
ku darey, sababta uu u soo tagey in ay ahayd
in uusan dooneynin in uu dhinto.
Qaar badan oo ka mid ah Mas'uuliyiinta Reer
Galbeedka ayaa sheegay in ay aad ula yaabeen
istaraajiyada cusub ee ay Itoobiya
adeegsaneyso, gaar ahaan iyada oo hada la
filayey in ay markii ugu horeysay muuqato
calaamad tilmaameysa in dhibaatadii
bani'aadamnimo ku ekaan doonto xiligan
jiilaalka ah.
Bilowga sanadkan waxay Ciidamada Itoobiya
go'doomiyeen qaybo aad u badan oo ka mid ah
Ogadenia si ay u xadidaan taageerida ONLF,
iyaga oo joojiyey ganacsigii iyo isu socodka
gaadiika iyo in ay cunto deg-deg ah soo
gasho. Mas'uuliyiinta hay'adaha Samafalka ee
Reer Galbeed ayaa arintan ka digey in ay
keeni doonto macaluul. Kadib, ciiidamada
Itoobiya waxay wax yar dabciyeen xayiraadii
ay so rogeen, laakiin baadhitaan ay sameysay
Hay'adda Badbaadinta Caruurta ee UK waxa ay
soo saartey in nafaqa darada haysata
Caruurta ay aad u sii korodhey tan iyo
intiii ka horeysay xiligii uu bilowday gar-gaarka
deg-dega ahi, taas oo aad uga sareysa mida
DAFUR ama SOMALIYA, kuwaas oo lagu tilmaamo
labada meelood ee ugu liita dhibaatada
Africa.
Dabayaaqada Bishiii November, John Homes oo
ah qofkii ugu sareeyey ee Jimciyada Qurumaha
ka dhaxeysa oo booqda Ogadeniya si uu u soo
darso xaalada Ogadeniya, ayaa sheegay "In uu
maqley warbixinta ah in shicibka laga
dhigayo maleeshiyaad, wuxuuna darsey in ay
jirto baahi sii kordheysa sidii lagu heli
lahaa shaqaalaha caafimaadka, kuwa xoolaha,
iyo dad khibrad u leh sidii lagu qaybin
lahaa gar-gaarka uu u baahan yahay Gobolku,
kaas oo hada ay ku soo fool leedahay xili
jilaal ah.
Mr. Holmes wuxuu intaas ku daray "ma jirto
xaalad fara kabax ah hada, laakiin waxaa
jirta daneyn weyn oo aad looga baqayo in ay
Ogadeniya noqon karto meel xaalad
bani'aadamnimo xumi ka dhalato".
Dawlada Itoobiya ayaa iyadu dafirtey, iyada
oo sheegtay in aysan jirin wax dhibaato
cunto yari ah iyo nafaqo daro toona. Waxayna
intaas raacisey in ay tahay dacaayad ay
fidinayaan warbaahinta caalamku.
Dhinaca Maleeshiyaadkana waxay ku tilmaantey
in beeluhu ama qabaa'iladu iyagu is
abaabuleen si ay ula dagalaamanaan ONLF,
iyaga oo doonaya in ay is difaacaan.
Sida lagu hayo warbixin ay dawlada Itoobiya
qortey oo uu daabacey Maamul Goboleedku,
dadka shaqaalaha dawlada ah ee lagu amrey in
ay isa soo xaadiryaan si ay ula dagaalamaan
Jabhada ONLF, waxaa ka mid ah shaqaalaha ka
shaqeeya hay'adaha ay lacagtooda bixiyaan
deeq bixiyaayaasha caalamka. Kuwaas oo ay ka
mid yihiin Barnaamijka Horumarinta Reer
Miyaga oo malaayiin doolar ka hela Bankiga
Aduunka iyo Barnaamijka ka hor taga AIDS-ka
Itoobiya oo ay qayb ka mid ah maalgeliso
Jimciyada Qurumaha ka dhaxeysa iyo hay'ada
maal-gelinta la dagaalanka AIDS-ka, Qaaxada
iyo Kaneecada. Warbixinta labaad ee dawlada
laga helay waxay amar ku bixineysaa 10 ka
mid ah shaqaalaha Xafiiska AIDSKA in ay isa
soo xaadiriyaan si ay dagaalka u aadaan.
Mid ka mid ah Mas'uuliyiinta dawlada oo xag
nab-gelyo awgood u qariyey magaciisa ayaa
sheegay in qaybtii uu ka shaqeynayay
shaahlihii joogey oo isagu anu kujirin dadka
aqoonta leh, kuwa xafiisyada ka shaqeeya,
waardiyayaasha iyo Dirawalada dhamaantood
lagu qasbey in ay dagaal tagaan oo ay
raadsadaan Jabahada ONLF. Wuxuuna intaas ku
darey in maleeshiyaadku caqabad ku noqdeen
ama hakiyeen marar badan barnaamijka
bani'aadamnimo ee ay taageeraysay Jimciyada
qurumaha ka dhaxeysay, sidoo kale wuxuu
mas'uulkaas sheegay in kuwo badan oo ka mid
ah saaxiibadii dagaaladaas lagu soo diley,
waayo ma naqaan sida loo isticmaalo qoraha
lagu dagaal tago"
Kuwo badan oo ka mid ahaa shacabka
Maleesiyaadka laga dhigey waxay sheegeen in
xataa lagu qasbo in ay iyagu la yimaadaan
qoryahooda. "Waxay ahayd arin aad u xun oo
xabsi ah ayuu Yiri CALI MAXAMUUD oo ahaan
jirey macalin Dugsi Quraan oo subax ka mid
ah laga soo dhuftey fasalkii uu Ardeyda wax
ku barayey dhowr bilood ka hor si loogu daro
maleeshiyaadka, wuxuu intaas ku darey in
marka dagaalku bilowdo hadaad isku daydo in
aad Orodo ay Itoobiyaanku ku dilayaan.
Qaar ka mid ah dadka ugu aqoonta fiican ee
Gobolku lahaa ayaa waxay doorteen in ay
iskaga cararaan, sida Saadiq Maxamed Xaaji
Nuur oo ah Dhakhtar wax ku soo bartey
wadanka Suudan. Saadiq ayaa sheegay in
Ciidamada Itoobiya ku amreen in uu
qabiilkiisa ka soo aruuriiyo Maleeshiyo,
markii uu diidayna ay ku garaaceen qoriga
dabadiisa, wuxuu intaas ku darey in uu
Ciidamada Itoobiya kala kulmey dhibaato
badan, hadana uu magangelyo weydiistey
wadanka Sweden
Mas'uuliyiin ka mid ah QM iyo
Diblomaasiyiinta Reer Galbeedka ayaa sheegay
in ay arinta Maleeshiyaadka si hoose kala
xaajoodeen dawlada Itoobiya, laakiin aysan
waxba ka odhan Karin si cad oo banaanka ah,
iyaga oo ka cabsi qaba in ay Itoobiya
joosiso hay'adaha samafalka ah ee Gobolka ka
shaqeeya. Waxayna intaas ku dareen in ay ku
socdaan khad aad u dhuuban, waxaana
dooneynaa in aan xiligan xaadirka ah in aan
nolosha bad-baadino ayuu yiri mid ka ah
Mas'uuliyiinta QM.
18 December 2007
Axmed Gaal-Eri
Radioxorio@radioxoriyo.com
Raadioxoriyo@yahoo.com
RRadio Xoriyo waxaad ka dhegaysan kartaa
Mawjadda 41 MB ee dhererkeedu yahay 9445
KHZ, iyo internetka http://Radioxoriyo.com
iyo http://Ogaden.com Maalinta Talaadada ah
7:00PM - 8:00PM waqtiga Afrikada Bari |
|
|
|
|
