Dagaallo ciidamada cadowga itoobiya lagu waxyeelleeyay.
Waxyeellooyin kala duwan oo gumaysigu dadka u gaystay
Wargayska Allafrica oo mushkilada geeska afrika furaheeda ku tilmaamay xallinta qadiyadda Ogadenya.
Waraysi dheer oo aan la yeelanay gudoomiyaha H/arimaha gudaha iyo amniga ee jwxo N/Hure Cabdi cabdullaahi.

Dagaallo ciidamada cadowga itoobiya lagu waxyeelleeyay.

Wariyaha RX uga soo warrama dalka Ogaadeenya ayaa noo soo sheegay dagaallo badan oo si wayn loogu waxyeelleeyay ciidammada caga-jiidka ah ee gumaysiga Itoobiya. Dagaalladaasi waxay u dheceen sidatan;

13/02/08 weerar mir ah ayaa lala beegsaday ciidammo gumaysigu leeyahay oo hawlgal u tegay Cawl ku-dhal, waxaana loo gaystay khasaare aan fahfaahintiisa la haynin.

Isla 13/02/08 waxaa weerar mir ah lagu qaaday ciidammo gumaysigu leeyahay oo halwgal u tegay Jeerinka, waxaana la gaadhsiiyay khasaare aan faahfaahintiisa la haynin.

Sidoo kale 13/02/08 dagaal ka dhacay Tukaale, oo Fiiq ka tirsan, waxaa ciidammada gumaysiga lagaga dilay 7 askari, 11 kalana waa lagaga dhaawacay.

12/02/08 dagaal ka dhacay meesha lagu magacaabo Dhiya, oo Dhagaxbuur ka tirsan, waxaa ciidammada gumaysiga lagaga dilay 4 askari, waxaa kaloo lagaga dhaawacay 2 askari.

Sidoo kale 12/02/08 dagaal ka dhacay Wabi-yar, oo Qabridaharre ka tirsan, waxaa ciidammada gumaysiga lagaga dilay 1 askari, 1 kalana waa lagaga dhaawacay.

11/02/08 cutub ka tirsan CWXO ayaa weerar la beegsaday kolonyo baabuur ah oo ciidammada gumaysigu wateen, kuwaasoo marayay Karinka Solle, oo Dhagaxbuur ka tirsan, waxaana inta la ogyahay ciidammada gumaysiga weerarkaas lagaga dilay 8 askari, 6 kalana waa lagaga dhaawacay.

Sidoo kale 11/02/08 dagaal isaguna ka dhacay Jarcanyo, oo Fiiq ka tirsan, waxaa ciidammada gumaysiga lagaga dilay 3 askari, 1 kalana waa lagaga dhaawacay.

10/02/08 dagaal ka dhacay Sanka Haadaanta, oo Fiiq ka tirsan, waxaa ciidammada gumaysiga lagaga dilay 7 askari, 5 kalana waa lagaga dhaawacay.

Isla 10/02/08 weerar lala beegsaday ciidammo gumaysigu leeyahay oo hawlgal u tegay Cawl ku-dhal, waxaa lagaga dilay 3 askari, 5 kalana waa lagaga dhaawacay.

Sidoo kale 10/02/08 cutub ka tirsan CWXO ayaa weerar mir ah ku qaaday ciidammada gumaysiga eek u sugan Bashuuro, oo Fiiq ka tirsan, waxayna ka dileen inta la ogyahay 4 askari, 5 kalana way ka dhaawaceen.

09/02/08 Bubi, oo Qabridaharre ka tirsan, dagaal ka dhacay waxaa ciidammada gumaysiga lagaga dilay 4 askari, 3 kalana waa lagaga dhaawacay.

Isla 09/02/08 waxaa weerar mir ah loo gaystay ciidammada gumaysiga ee fadhigoodu yahay magaalada Fiiq, waxaana la gaadhsiiyay khasaare aan faahfaahintiisa la haynin.

Sidoo kale 09/02/08 waxaa mir ah lagu qaaday ciidammo gumaysigu leeyahay oo hawlgal u tegay Gudhis, waxaana laga dilay inta la ogyahay 5 askari, 7 kalana waa laga dhaawacay.

07/02/08 ciidammo si gaar ah u tababaran oo ka tirsan CWXO ayaa weerar si fiican loo qorsheeyay oo mir ah ku qaaday ciidammada gumaysiga ee fadhigoodu yahay magaalada Galaalshe, waxayna ka dileen inta la ogyahay 15 askari, 12 kalana way ka dhaawaceen. Ciidammada gumaysiga ee khasaarahan la gaadhsiiyay ayaa daawanayay cajalad muuqaal ah xilliga weerarkan lala beegsaday.

Waxyeellooyin kala duwan oo gumaysigu dadka u gaystay

Ciidammada gumaysiga Itoobiya ayaa waxyeellooyin kala duwan u gaystay dadwaynaha rayadka ah ee Ogaadeenya. Waxyeellooyinkan, oo meelo kala duwan ka dhacay, waxay u dheceen sidata;

02/02/08 Jeexdin waxay ciidammada gumaysigu ku dileen laba nin oo rayad ah oo kala ah;
1- Axmed Aaden Libaax iyo
2- Nin kale oo magaciisa aanaan haynin.

30/01/08 waxay ciidammada gumaysigu Jiir-gaal, oo degmada Qallaafe ka tirsan, ku dileen Haajir Cabdi Faarax.

12/02/08 Dhiya, oo Dhagaxbuur ka tirsan, waxay ciidammada gumaysigu jidhdil iyo dhac isugu dareen dadka kala ah;
1- Ruqiya C/llaahi Dhakaar oo ay 4000 oo Bir ka dhaceen iyo
2- Saafi C/llaahi Dhakaar oo iyadana 3000 oo Bir ka dhaceen.

10/02/08 Bashuuro waxay ciidammada gumaysigu ku dhaceen 3 Qori, waxaana kala lahaa;
1- Faarax Khaliif Dacay
2- Cali Aaqil iyo
3- Cismaan Sh Yuusuf

09/02/08 magaalada Fiiq waxay ciidammada gumaysigu jidhdil u gaysteen oo meelo badan ka jajabiyeen nin ka tirsan malleeshiyada Dabaqoodhiga oo lagu magacaabo Deeq Cumar Cali.

07/02/08 Mulo, oo Qabribayax ka tirsan, waxay ciidammada gumaysigu ka soo qaqabteen dadka kala ah;
1- Cabdi Axmed Siciid
2- Asad Muxumed Nuur iyo
3- Aaden oo magaciisa oo buuxa aanaan haynin. Dadkan waxaa lagu xidhxidhay magaalada Qabribayax.

Isla 07/02/08 Gole-dheere, oo ka tirsan degmada Dalaad, waxay ciidammada gumaysigu dhaawac ku gaadhsiiyay haweenay rayad ah iyo wiil yaroo ay dhashay. Haweenayda waxaa lagu magacaabaa Qawad C/qaadir. Wiilkeedana waxaa la yidhaahdaa Xuseen Mursal Yuusuf.

Sidoo kale 07/02/08 Balli-xoodh, oo Iimey ka tirsan, waxay ciidammada gumaysigu ka soo qaqabteen oo Iimey ku xidhxidheen dadka kala ah;
1- Maxamed Garaad Aaden
2- Nuur Mawsar Aaden iyo
3- Colaad oo magaciisa oo buuxa aanaan haynin.

05/02/08 magaalada Qabridaharre waxay ciidammada gumaysigu ku xidhxidheen dadka kala ah;
1- Raxmo Cabdi Gaas
2- Faarax Cabdi Cumar
3- Daahiro Sh Muxumed iyo
4- Xafsa Dhabbeeye

Isla 05/02/08 Jaaq-dhawr, oo Shilaabo ka tirsan, waxay ciidammada gumaysigu hanti aad u badan ka dhaceen dad safarro ah. Ciidammada gumaysigu waxay safarradan ka dhaceen 60 Awr iyo rarkii saarnaa. Waxay sidoo kale xidhxidheen dadkii hantidaas lahaa oo kala ah;
1- Faysal Cabdi Gurey
2- Dhuux Maxamed Aw Cali
3- Maxamed Cabdi Gaanni
4- C/nuur Cabdi Haybe
5- Khadar Caydiid Cumar
6- Jaamac Nuur Xuseen
7- Xasan Xuseen Cali
8- Sahra C/llaahiCabdi
9- Samiira Maxamed Xuseen
10- Sahra Cabdi Xasan
11- Faadumo Shafeec Maxamed
12- Ina Budul Cumar Gurey oo magaceeda hore aanaan haynin
13- Ina Maxamed Aw Faarax oo iyadana magaceeda hore aanaan haynin
14- Maxamed Jeerre iyo
15- Ina Aaden Maxamed oo iyadana magaceeda hore aanaan haynin

31/01/08 Qallaafe waxay ciidammada gumaysigu ku xidhexidheen dadka kala ah;
1- Gaandho Muxumed iyo
2- Axmed Muxumed

Dhinaca kale markii ay taariikhdu ahayd 03/02/08 waxay ciidammada gumaysigu magaalada Higloley, oo ka tirsan degmada Haar-cad, ku qasheen 58 Neef oo dadwaynuhu lahaa. Waxay sidoo kale maalin ka hor 32 Neef ku qasheen tuulada Ceel-ogaadeen.

Wargayska Allafrica oo mushkilada geeska afrika furaheeda ku tilmaamay xallinta qadiyadda Ogadenya.

Wargayska caanka ah ee la yidhaahdo Allafrica ayaa todobaadkan soo daabacay maqaal dheer oo kaga hadlayo dhibaatooyinka iyo mushkiladaha geeska iyo bariga afrika,maqaalkaas ayuu wargaysku daah fur uga dhigay xallinta qadiyada Ogadenya inay fure u tahay soo afjarida iyo nabad kusoo dabaalida geeska iyo bariga Africa.

Wargayska oo hadalkiisi sii wata ayaa cadeeyey in ganacsadayaal badan oo iskaga kala goosha bariga iyo geeska Africa ay dareen walaac ka muujiyeen hardanka u dhaxeeya dowlada gumaysiga itoobiya iyo Jabhadda Wadaniga Xoraynta Ogadenya,iyagoo ku tilmaamay inuu hardankaas iyo dagaaladaas u dhaxeeya itoobiya iyo ONLF ay saamayn wey ku yeelatay baayacmushtarkooda iyo nolol maalmeedkoobada,waxayna ganacsadayaashaasi caalamka ugu baaqeen inay xalliyaan qadiyada Ogadenya haday nabad ka doonayaan bariga iyo geeska afrika.

Iska indha tirka caalamku iska indha tirayo qadiyada Ogadenya iyo xalinteeda ayay ku tilmaameen mid aan xal ukeenaynin mushkilaada geeska iyo bariga Africa.


16 February 2008

Axmed Gaal-Eri

Radioxorio@radioxoriyo.com
Raadioxoriyo@yahoo.com


Radio Xoriyo waxaad ka dhegaysan kartaa Mawjadda 41 MB ee dhererkeedu yahay 9445 KHZ, iyo internetka http://Radioxoriyo.com iyo http://Ogaden.com Maalinta Talaadada ah 7:00PM - 8:00PM waqtiga Afrikada Bari