|
|
|
|
|
Abey Sahaly
oo hadalo kulul u soo jeediyey Maamul ku sheega Kililka
|
Jan 18,
2008 Jeelasha magaalada Jigjiga aya
waxaa buux dhaafiyey dad shacab o aad u
badan oo ana waxba galabsan. Dadkaas oo
qaarkood sando badan ku xhidhnaayeen ayaan
la soo taagin wax maxkamad ah.
Laga soo bilaabo bishii Sept ee kal hore
markii ay Ogadeniya booqdeen gudiga xaqiiqo
raadinta ee UN ayaa waxaa cadaadis badan la
saarey Xukumada Itoobiya in ay ogolaato in
la booqdo jeelasha Magaalada Jigjiga.
Hadaba xukumada Itoobiya oo ka cabsi qabta
in la arko dhibaatada iyo darxumada a
muuqata dadka sida sharci darada ah ugu
dhooban Jeelasha ayay ooda ka qaadey dad
badan oo xabsiyada Jigjiga ku jirey, gaar
ahaan dadkii ku xidhnaa xabsiyada
degmooyinka, iyada oo qarisay Xabsiyada
waaweyn iyo kuwa ay ka sameysatey xeryaha
Ciiidamada. Balse dadkii ooda laga qaadey
ayaa maalin kadib jeelasha dib loo dhigey,
falkan oo uu ka dambeeyey Cabdi Iley oo ah
gacanyaraha xaga nabadgelyada Maamul ku
sheega Jigjiga.
Talaabadan ayaa waxay cadho gelisay madaxda
Sare ee TPLF, taas oo keentay in uu Jigjiga
yimaado Abey Sahay, isla markaana uu amar ku
bixiyo in si deg-deg ah loo sii daayo dadkii
ay horey u sii daayeen.
Abey Sahay ayaa sheegay in Cabdi Iley "100
sano dhibaato aan Itoobiya soo gaadheen uu
soo gaadhsiiyey", taas oo uug uga jeedo in
ay ONLF aad u sii xoogasatey, kadib markii
Cabdi Iley si fiican uga soo bixi waayey
shaqadii loo direy.
--Ogaden Online News |
|
|
|
|
