Dec 25,
2007 Wararka naga soo gaadhaya Magaalada
Jigjiga ayaa sheegaya in xalay ay Ciidamada
Gumeysiga Itoobiya guryahooda kala baxeen
dadka shacabka ee kala ah
- Xasan
Xaashi Aadan
- Cabdi
Maxamed Cali (Cabdi Duquri)
- Bilaad
Xasan
- Ruqiya Xasan Raabi
- Cabdifataax
Dhakaako
Xalay ayaa
waxaa magalada JigJiga lagu dilay nin Tigree
ah oo cooshad ku lahaa Isbitaalka weyn ee
Magaalada Jigjiga agtiisa, ninkan oo aan la
garanaynin cid dishay ayay dadka magaalada
Jigjiga ku tilmaameen in uu ahaa sargaal
sare oo dhar cad ah oo cooshada ku raad
gadanayey.
Dilal qorshaysan ayaa maalmahan dambe ku soo
badanaya magaalada Jigjiga iyadoo todobaadyo
ka hor lagu toogtay magaalada 2 nin oo kamid
ah ahaa Booliiska maamulka Dabaqoodhiga.
Toogashada ninkaas ayaa waxaa la isla dhex
marayaa in uu dilkiisa ka dambeeyey nin
Axmaar ah, ninkaas oo lala xidhey
dadkan shacabka ah.
Dhinaca
kale, waxaa maanta xabsiga laga sii daayey
kadib markay madax furasho laaluusha ah
bixiyeen oo u dhaxaysa 2000-5000 oo bir,
Maxamed Sheekh Aaden iyo Mulki Sheekh
Saalax.
Madax furashadan laaluusheed ayaa bilaabatay
bil kahor markii lagu siidaayey Garaad
Xassan Axmed Makhtal oo laga qaaday laaluush
dhan 2000 oo bir 2 usbuuc kadibna xabsiga
lagu celiyey isagoo aan wax dambi ah lagu
soo eedaynin.
--Ogaden Online News |
