Feb 24, 2008 Wararka naga soo gaadhaya Magaalada Dhagaxbuur ayaa sheegaya in bishan Feb 21 uu dagaal adag dhexmarey koox Dabaqoodhi ah oo lagu Ururriyey Mishinka Magaalada Dhagaxbuur iyo Ciidamo ka mid ah kuwa Wayaanaha oo magaalada dhexmarayey. Dagaalkan ayaa Wayaanaha waxaa lagaga diley 3 askari midna waa laga dhaawacey, kuwa Dabaqoodhigana waxaa ka dhintey 1 askari, labana waa laga dhaawacey.

Dagaalkan ayaa dhacey kadib markii ay labada kooxood kala shakiyeen, iyaga oo ka cabsi qaba xoogaga Jabhada ONLF.

Magaalada Dhagaxbuur ayaa waxaa habeen ka howlgala Ciidaanka waayanaha ah iyo kuwa calooshooda u shaqeeystayaasha ah (Dabaqoodhi) kuwaasi oo suga amaankooda oo kali ah, waayo dadka shacabka ah uma timaado dhibaato aaan iyaga ahayn.

--Ogaden Online News