|
|
|
|
|
Odayaal badan oo laga soo aruuriyey Miyiga
Gobolka Dhagxbuur oo xabsiga la dhigey |
July 21,
2008 War naga soo gaadhey Gobolka
Dhagaxbuur aya sheegaya in tobaadkan Gobolka
Dhagaxbuur la isagu keenay Odeyaal tiradoodu
gaadheyso 700 oo Odey, kuwaas oo ah Odeyada
Xoola dhaqatada ah ee dega Miyiga ama
Baadiyaha.
Odayaashan oo ah kuwo si gaar ah loo
calaamadsadey ayaa waxaa shir ugu qabtey
Magaalada Dhagaxbuur Saraakiisha Ciidamada
Itoobiya oo ay weheliyaan Cabdi Iley iyo
Daa'uud Axmaar oo ka mid ah Maamul ku sheega
Magaalada Jigjiga.
Sida warku sheegayo waxaa xabsiga la dhigey
Odeyaal badan oo ka mid ah Odeyaashaas xoolo
dhaqatada ah, ilaa hadana waxaa socda
xiritaanka Odayaashaas. Qaar ka mid ah
Odeyaashaas ayaa loo dhaadhiciyey xabsiyada
Magaalada Jigjiga.
Odayaashan dega dhula Miyiga ah ee
xooladhaqatada ah ayey saraakiisha Ciidamada
Tigrea-gu ku eedeynayaan in ay taageeraan
Xoogaga ONLF.
Balse, Wariyaheena Gobolka Dhagaxbuur ayaa
arintan ku sheegay in ay ka mid tahay
xasuuqa joogtada ah ee ay Ciidamada Itoobiya
ka wadaan Ogadeniya, isagoo intaas ku darey
in la soo aruuriyey Odayaasha sida ay u kala
xoolo badnaayeen, taas oo ay dawlada
Itoobiya dooneyso in ay ku gumaado ama ku
curyaamiso xoolo dhaqatada Ogadeniya
Dhinaca kale, warar naxdin leh oo iyaganua
naga oo gaadhaya Gobolka Dhagaxbuur ayaa
sheegaya in Ciidamada Itoobiya
duleedka Magaalada Dhagaxbuur ku dileen Wiil
dhalinyaro ah oo aan ilaa hada la helin cid
aqoonsata, Wiilkan dhalinyarada ah ayey
Ciidamada Itoobiya ka soo kaxeysteen Tuulo
ka mid ah Degmada Awaare oo aanaan magaceeda
helin. Hadaba Wiilkan ayaa inta lugaha iyo
Gacmaha laga gooyey isaga oo nool kadibna
god yar ku rideen oo uu ku naf baxay. Meydka
Wiilkaas ayaa ilaa hada yaala meeshii la
dhigey. Inta badan Ciidamada Itoobiya ayaa
Meydadka soo wadha jidadka iyo suuqyada
magaalada si qofkii garta ama damca in uu
aaso loo dilo ama loo xidho.
Sidoo kale dhulka lagu magacaabo Hara Hawd
oo qiyaastii 85Km koonfur ka xigta Magaalada
Dhagaxbuur ayey Ciidamada Itoobiya ku
gawraceen 5 nin oo shacab ah, nimkaas ayaa
ahaa dad xoolo dhaqato ah.
La soco wixii ka soo kordha wararkan...
--Ogaden Online News |
|
|
|
|
