|
|
|
|
|
120 Maxbuus oo laga qaaday magaalada Fiiq
|
Aug 20, 2008
Wararka naga soo gaadhaya Gobolka Nogob gaar
ahaan magaalada fiiq ayaa sheegaya in
taariikhdu markay ahayd Aug 18 magaalada
Fiiq laga qaaday maxaabiis aad u tira badan.
Maxaabiistan oo naloogu sheegay tiradooda
inay ahaayeen 120 ruux ayaa loo qaaday xaga
magaalada Jigjiga.
Maxaabiistan ayaa u badan dad ay xidhxidheen
Cabdi Ileey iyo Daauud Axmaar markay
yimaadeen magaalada Fiiq.
Dhammaan magaalooyinka Ogaadeneiya ayaa
lawada ciirciiraya maxaabiis aan waxba
galabsan oo si xaq darro ah uugu xidhxidhaan
gumaysiga iyo gumaysi kalkaalka.
xidhxidhka ayaa waayadan u badan
magaalooyinka Fiiq, Goday iyo Jigjiga.
Lama garanayo waxa loogu talin doono dadkan
loo qaaday Jigjiga, balse waxaa larumaysan
yahay in lagu daridoono kumanaanka ruux ee
ku jiray jeelasha magaalada Jigjiga oo
markay jeelashii dadka qaadi waayeen meelo
aan Jeel ahayn lagu xidho dadka.
Dhinca kale, warar iyaguna naga soo gaadhay
dhanka Gobolka Dhagaxbuur ayaa sheegay inay
tigreegu odayaasha deegaanka u hanjabeen
iyagoo amar ku siiyay inay keenaan ciidamo
dabaqoodhi ah oo laga horgeeyo jabhadda.
Wayaanaha ayaa dabeecad u yeeshay mar walba
oo ciidamadiisu u babacdhigi waayaan kuwa
Jabhadda inuu odayaal soo qasbo si ay
ciidamo uga keenan belaha ay matalaan.
Wararka ayaa intaas ku daraya in ilaa iyo
hada uuna waxba u suurta galin odayaasha oo
badhkood isku dayay inay helaan dhalin yaro
lahubeeyo.
--Ogaden Online News
|
|
|
|
|
