Dec 17, 2007 Wariyaha Ogaden Online ee wadanka Sweden ayaa sheegaya in shir sanadeedkii Xubnaha  JWXO ee wadanka Sweden lagu qabtey Magaalada  Västarås ee wadanka Sweden maalintii sabtida ee Dec 15, 2007.

Shirkan oo sanadle ah ayaa waxaa isugu yimid dhamaan xubnaha JWXO iyo taageerayaashooda degen wadanka Sweden. Shirkan oo ay ujeedadiisu ugu weyni aheyd sidi ay u kala war qaadan lahaa, looguna xisaabtami lahaa waxyaabihii qabsoomay ama qabsoomi waayay iyo dhamaan fikrado iyo doodo macquul ah oo ku saabsan xaalada ka taagan Ogadeniya iyo qaabkii lagu hor marin lahaa halganka aayokatashiga ee ay JWXO hormuudka u tahay.

Waxaa shirka furay Xoghayaha Guud ee Unugta isagoo halkaasi ka jeediyay qudbad aad u kooban oo isagu jirta soo dhaweyn iyo qaabka shirku u socon doono.

Kadib waxaa si toos ah u bilowday shiriikii iyadoo war bixin dheer uu kasoo jeediyay Gudoomiyaha Unugta oo ka hadlay wax qabadkii ay unugta mudadii ay shaqeyneysay isagoo carabka ku dhuftay in sanadkan ay Unugtu aheyd sanadkii ugu fiicnaa marka loo fiiriyo sanadadi hore, isla markaasna ay sameeyeen horumor aad u weyn dhanka abaabulka bulshada. Waxaa sidoo kale qudbad ka jeediyay Wakiilka JWXO ee Sweden isagoo ka hadlay siyaasada iyo xaaladaha guud iyo waliba xiriirka wacan ee ka dhaxeeya Unugta iyo maamulka sare.

Shirkan ayaa waxaa Khadka taleefoonka warbixin kaga soo jeediyey Gudoomiyaha Xigeenka 2aad ee JWXO, Mudane Cadaani Hirmooge iyo Taliye ka mid ah Taliyayaasha qaybaha Ciidmada qalabka sida ee JWXO aah Gabadh da'yar, kuwaaas oo ka warbixiyey xaalada Ogadeniya iyo dhacdooyiinkii ugu dambyeeyey. Mas'uuliyintan ayaa dadkii dhegaysanayey kula dar-daarmey in ay iska ilaaliyaan dabin daabyada ay la damacsan yihiin Wayaanuhu, isla markaasna ay muujiyaan sabir iyo dadaal dheeraad ah.



Dhinaca kale,  waxaa shirkan goob joog ka ahaa Aqoon yahano, Odayaal ,Dumar iyo Gabdho aad u qiiraysan oo iyagana halkaasi ka soo jeediyay qudbado aad u xiiso badan iyagoo mararka qaar la arkayay dad wajigoodu is badalay iyo waliba kuwo ay ilmada ka joogsan la dahay.










--Ogaden Online News