|
|
|
|
|
Wolde Adwa oo Xaafadaha
Jigjiga ku amrey in xaafad waliba qof iska soo doorato |
Jan 16,
2008 Wakiilka dhinaca Siyaasada Itoobya
u qaaabilsan Ogadeniya ee lagu magacaabo
Wolde Adwa oo beryahan hawlgalo ka dhan ah
shacabka Ogadeniya ka wadey Magaalada
Jigjiga, ayaa xaafadaha Jigjiga ku amrey in
ay xaafad waliba qof iska soo doorato
ilaaliya nabadgelayada magaalada, gaar
ahaana aaga uu qofkaasi degen yahay.
Wolde Adwa ayaa ku hanjabey in xaafadii
aanan fulin amarkan laga qaadi doono talaabo,
iyada oo qofkii amarkan diida laga qaadi
doono lacag joogto ah bil kasta.
Falkan ayey dad badan oo magaalada Jigjiga
degen u arkaan mid aanan taabo gali doonin,
halka kuwo badanina hada ku baraarugeen in
uu jiro gumeysi rasmi ah.
Dhinaca kale, cadaadis aad u badan ayey
ciidamada gumeysiga Itoobiya ku hayaan
shacabka magalaada Jigjiga iyaga oo
habeenkii weydiiya waraaqo aqoonsi ah, hadii
uusan qofku haysana inta la jidh dilo laga
qaadayo lacag dhan dhan 10 riyaal, hadii
uusan haysan lacag uu isku furtana xabisga
loo taxaabayo.
Sida warku sheegayo shacabka magaalada
Jigjiga ayaa aad uga gilgilaya falalkan
guraxan ee ay xukumada Itoobiya kula kacayso.
Todobaadkii hore ayaa 930 qof oo ka mid
dadka u shaqeeeya maamul ku sheega Kililka
oo ku sugan magalaada Jigjiga waxaa laga
joojiyey mushaarkii ay qaadan jireen, iyaga
oo lagu eedeynayo in ay taageerayaal u
yihiin Jabhada ONLF. Talaabadan shaqa
joojinta ayaa la filayaa in ay ka dhaqan
gasho dhamaan Gobolada Ogadeniya.
--Ogaden Online News |
|
|
|
|
