|
|
|
|
|
Shir ka dhacey magaalada Fort McMurray ee
Gobolka Alberta, Canada |
July 14,
2008 Ururka Dhalinyarada Ogadeniya ee
magaalada Fort McMurray, ee gobolka Alberta
Canada ayaa taariikhdu markay ahayd July 12,
2008 shir ku qabtey Magaalada Fort McMurray.
Shirka ayaa waxaa ujeeddooyinkiisa ka mid
ahaa in lagu wacyi galiyo dhalinyarada reer
Ogadeniya xaaladda dhabta ah ee ka jirta
dalkii, islamarkaana lagu boorri galiyo in
ay dhalinyardu yeeshaan door cad oo wax
qabad ah.
Waxaa shirkaa lagu casuumay Ururka Xuquuqul
Insaanka ee Ogadeniya (OHRC) oo uu ka soo
qabgalay Dr.Maxamud Ugas oo ka jeediyey 45
daqiiqo oo PowerPoint Presentation uu kaga
hadlayey kheyraadka dalka, iyo sida dowladda
Ethiopia ayna uga soo bixin waajibaadkeedii
dasduuriga ahaa ee ku aaddanaa in ay ka
sameyso horumarin gobolka Ogaden, taasoo
marka la eego kheyraadka dabeeciga ah
baaxaddiisa, iska dhaaf in ay Ethiopia wax
ka qabatee, ay billowday in ay baabi’iso
tobankii mashruuc ee dunidu rabtay in ay ka
hirgaliso dalka, oo ay dheertahay dil,
xasuuq, xadhig, dhac, kufsi, qafaalsho iyo
waxyeello badan oo meel ka dhac ku ah
xuquuqul insaanka.
Waxaa kale oo shirkaas ka soo qaybgalay
ergooyin kale oo ka kala socday Magaalada
Edmonton oo ay ka yimaaddeen Wafdi uu
hogaaminayo guddomiyaha bulshada Xuseen
dhakal , Atlanta Georgia oo uu ka socday
Axmed-yaasin Qaasim iyo Australia oo uu ka
socday Aden Axmed Sh. Acabdulahi.
Ergooyinkaas ayaa iyaguna dhankooda ka soo
jediyey hadallo dhaxalgal ah.
Ugu danbeyntii waxaa shirkaas ka hadlay
odayaasha magaalada Fort McMurray oo uu ugu
horeeyo Maxamed Urur. Waxaa
kale oo iyadana ka hadashay hooyada
magaalada Xaliimo Xasan Gasle oo ka soo
jeedisay buraanbur dadka oo dhan dhigooda
kiciyey.
Gabagabadii shirka waxaa ka soo baxay
go’aammo ay ka mid ahaayeen in dhalinyaradu
guntiga dhiisha isaga dhigaan oo ay nool iyo
moodba u hurraan dalkooda.
Waxa ugu danbayntii Sibuuxuda la isugu
afgartay in canbaarayn loo soo jeediyo
dawalda Tigreegu madaxda u yahay ee ka
talisa Addis Ababa Falaalkii Naxadinta lahaa
ee ay kula kacaday Dadkii Maxaabiistaha ee
lagala baxay jeelka Magalada jig jiga ee la
soo wadhay maydkooda jeelka hoortiisa Taas
maxbiis Kalena lagu dhawacay jeelka
Gudoomiyaha Ururka dhaliyrada Ogadeniya ee
Fort McMurray ayaa u mahadceliyey ka soo
qaybgalayaasha shirka, waxaana shirka
daadihnayey Maxamed Mahdi
--Ogaden Online News |
|
|
|
|
