Aug 04, 2008 Wararka naga soo
gaadhaya Magaalada Jigjiga ayaa sheegaya in
Maamul ku sheegay Jigjiga ay ka dhextaagan
tahay xurug aad u weyn, xurguftan oo ka
dhalatey tartanka ay ugu jiraan sidii ay u
raali gelin lahaayeen ama ugu kala dhawaan
lahaayeen Saraakiisha Wayaanaha ee ka talisa
Ogadeniya.
Hadaba wararka
horudhaca ah ayaa sheegaya in Daa'uud Axmaar
oo ay jaalyhiin Ina Iley uu Adis Ababa u
baxay, halkaas oo oo rabo in uu Abay Sahey
iyo Meles kula kulmo, balse waxaa kaba
safrey Lugbuur oo ah horjoogaha Maamulka
Jigjiga.
Sidoo kale, Ina Iley oo ay ka muuqato walaac
badan ayaa waxa uu booqdey Xabsida Magaalada
Jigjiga qaar ka mid ah, isaga oo dadka
shacabka ah ee uu soo xirey ka codsadey in
ay cafiyaan oo ay u soo duceeyaan, wuxuuna
halkaas ka sii daayey qaar a mid ah dadkaas
uu sida bilaa sharciga ah u soo xirtey.
Ma cadda waxa u ku dambeyn doono loolankan a
dhextaagan Maamulka Dabaqoodhiga ee Jigjiga,
laakiin ma'aha markii kowaad ee ay dhexdooda
is qabsi iyo sadbursi oo kala dhexgalo.
Warar aan la hubeyn ayaa waxay sheegayaan
waxaa suurto gal ah in Maamulka qaarkiis
lagu soo dari doono qaar ka mid ah
Saraakiisha Tigreaga, inkasta oo ay hadaba
madaxda askarta Wayaanuhu ka arimiso
Ogadeniya.
--Ogaden Online News |
