Chat 

Forum

 
Google
Search WWW Search www.ogaden.com

Jaaliyada Ogadenia ee Minnesota oo qabatey shir ay ku sagootinaysay Madaxda JWXO.

Oct 09, 2007 Waxaa maalintii Sabtida ahayd October 6, 2007 shir balaadhan oo ay soo agaasintay Jailed Soomalida Ogadenia lagu qabtay madasha shiraraka ee magaalooyinka mataanaha ah ee Gobalka Minnesota oo looyaqaano Convention Center ka. Shirkan oo ay jaaliyadu ugu tala gashay inay ku maamuusto sagootinta madaxdii JWXO ee mudada 2 bilood ah u joogay howlaha shaqada halganka Ogadenya wadankan Maraykanka, shirkan ayaa waxaa ka soo qayb galay wafti sare uu hogaaminayo Gudoomiyaha JWXO Admiral Mohamed Omar Osman, oo baryahanba socdaal howla shaqo ah ku marayay dalkan Maraykanka. Waftiga ayaa si diiran loogu soo dhaweeyay madashi shirka oo bilic aad u saraysa lahayd, waxaa safaf u taagnaa dhalinyaro dayar oo ree Ogadenya ah isuguna jiray wilal iyo Gabdho intoda badan ku koray wadamada qurbaha oo ku labisnaa labis aad quruxsan ooy ku daabacanyihiin astaamihii JWXO iyo qariiradii Ogadenya, dhalintan dada yar ayaa ugu horayntiiba si xaraga eh u gudoonsiiyay madaxda JWXO ubaxyo aad u qurxoon, halka ay madaxdu ka gudoontay dhalinyaradii ubixii ay sideen ayagoo dhoola cadaynaya, dhinaca kale dhamaan waxay bulshadii shirkan kasoo qayb gashay isu taageen heeskii calanka Ogadenya oo ka mid ahaa waxyabihii lagu soo dhaweeyay madaxda ee bilicda sare uyeelay shirkan.


Shirka waxaa ugu horayntiiba aayado quraan ah ku furay Sh. Maxamud oo kamid ah culimada ugu caansan Gobolkan Minnesota oo baac dheer u leh aqoonta diinta Islaamka, Sh. Mohamud wuxuu wacdiga diinigia ah kadib ku daray taariikhdii dheerayd ee loo soo maray halganka Ogadenia, isaga oo sheeku si qota dheer u faafaahiyay, sheeku wuxuu si aad ah ugu guubaabiyay dhamaan shacabkii shirkan ka soo qaybgalay oo isugu jiray Jaaliyada Soomaaliyeed iyo Jaaliyada Ogadenya eek u nool Minnesota inay garab istaagan walaalohooda uu gumaysigu ku gowriirsaday hadana umula dooxa, dhaca, kufsiga , xadhiga, gubida iyo barakicinta, ka wada Gobolka Ogadenya iyo wadankii Soomaaliyeed ee Xorta ahaan jira.

Intaas kadib waxaa hadalka lagu soo dhaweeyay siyaasiga rugcadaaga ah Maxamed Cumar Gaange,oo ka mid ah siyaasiyiinta reer Ogadenia ee ku nool gobolkan Minneota, Siyaasi Gaange wuxu hadalkiisa ku bilaalay soo dhaweyn iyo mahadnaq uu u soojeediyay waftiga JWXO iyo qabanqaabiyayaashii shirka,Wuxuu Caaqil Gaange si fiican u qaadaa dhigay marxalada uu maanta marayo halganka shacabka Ogadenia oo uu ku tilmaamay inuu midha dhalay siyaasiyan iyo caskariyan labadaba, siyaasigan caanka ah ayaa isagu muujiyay sida uu marwalba u garabtaagnyahay halgankan Ogadenya, uguna baaqay Odayada iyi siyaasiyiinta u dhashay ree Ogadenya ee ka gaabinaya hiilada Halganka ee ku nool dunida dacaladeeda inay dowr koodii ka qaataan halganka gobanimo doonka ah ee ka socda Ogadenya.

Kadib waxaa hadalka lagu soo dhaweeyay hogaanka qorshaynta iyo cilmi baadhista ee JWXO-mudane Maxamud Nuur hadal kooban kadib waxuu mudanuhi si diiran makarafonka ugu soo dhaweeyay Gudoomiyaha JWXO, Admiral Moxamed Cumar Cisman oo ay dhagaystayaashii tirade badnaayi sacab iyo sawaxan ay farxad iyo raynrayni ku dheehantahat ku soo dhaweeyeen. Gudoomiyaha JWXO wuxuu si qota dheer uga warbixiyay hawlihii shaqo ee ay u joogeen wadankan Marakanka iyo guulihii ay soo hooyiyeen, isaga oo uu gudoomiyihu tilmaamay inay si aad u fiican ay isu soo afgarteen dowlada maraykanka , iyo haayado farabadan oo kala duduwan oo halganka ogaadenya waxtar u leh, qudbadii gudoomiyaha JWXO oo dheerayd runtiina dhinacyo badan taabanaysay ayay dhagaystayaashii aad ugu maqsuudeen, tasood kadareemaysay shucuurta ka muuqata wajiyadooda. Gudoomiyaha ayaa jaaliyada ree Ogadenya iyo mida Soomaaliyeedba ku booriyay inay shacabkooda la gumaysto xoreeyaan naf iyo maalna u huraan, inata ay ka hananayaan macaanka iyo midhaha xoriyadana ayna nasanin oysan is dhigan, lana dagaalaan cadowga Somaali dhamaanteed kala gaabiyay maantana baday qaxootinimada.

Waxaa gudoomiyaha kadib khudbad shucuurta ka soo qaybgalayashii shirka kicisay soo jeediyay hogaanka arimaha dibada ee JWXO Mudane Abdirahman Sh. Mahdi (Madey) khudbadii siyasigan rugcadaag ah ayay dhagaysttayashii aad ula dheceen, siyaasigan oo si qota dheer uqeexay barnaamijka siyaasadeed ee ururka JWXO, ayaa shacbigii u cadeeyay inay dhamaan xafiisyada dowlada Maraykanka ay maan ta taalo qadiyada Ogadenya oo aan hada kadib la odhon doonin qadiyada Ogadenya lama yaqaano, intaas wuxuu raaciyay mudane Madey inuu manta dagaalkii caskari iyo ki siyaasada ee ururka JWXO uu galay waji cusub ururkuna uu si xoogan ugu diyaargaroobay tabaha iyo dadaalkooda siyasiga ah tayadooda cidana ay sare u qaadeen oo ayna wax wal wal ah ka qabin cidamada maxasta ah ee gumaysiga Wayaanaha.

Dhinaca kale waxaa xusid mudan Hooyooyinka ree Ogadenya oo ah lafdhabarta halganka gobanimo doonka ah ee ka socda Ogadenya, si dii lagu yaqaanay madashii shirka waxaa gabayo iyo buraanbur qiiro ku dheehantahay ka soo jeediyay Hooyoyin ka mid hooyooyinka ree Ogadenya ee ku nool gobolkan minasota ee u jajaban howlaha halganka Ogadenia. Suugaanta iyo erayadii ay hooyooyinku halkaas ka soo jeediyeen ayaa dareenkii shacabka kiciyay samayn badan ku reebay dhagaystayaashii nasiibka u yeeshay inay ka soo qayb galaan shirkii qiimaha badnaa.

Ayadoyna qaybaha bulashadu u kala hadhin shirkan taariikhiga ah ayaa dhinaca guurtida Odayasha waxaa u hadlay caaqil Yusuf Gamadid oo bulshada ree Ogadenya sharaf iyo haybad ku dhex leh, caana ku ah taageerida iyo u hiilinta halganka xaqa ah ee Ogadenya, caaqil Yusuf Gamadiid ayaa si cilmayaysan ugu sheegay dhagaystayaashii inay halgankooda garab istaagaan, wixii xasarad ku hayana ay hareerta iska mariyaan, Caqil yusuf gamadiid wuxuu inataas ku daray inay haday yihiin guurtida Odayadii ree Ogadenya ee qurbaha kunool ayna u dulqaadan doodin dhibaatada lagu hayo shacabka ree Ogadenya een waxba galabsanin, wuxuu caaqil yusuf cadeeyay haday yihiin Odayadii ree Ogadenya ee qurbaha ku noolaa inay dadaalkoodii sii xoojinayaan, wuxuu caaqilku ugu baaqay Odayada ree Ogadenya ee gudaha dalka Ogadenya ku nool inay ka dhiidhiyaan xumaanta iyo gumaadka shacabka ay dhexjoogaan ay masuulka ka yihiin cadowgana u cadeeyaan inayna dulqaadan doonin umula dooxa ay ku hayaan shacabka tabarta daran ee ree Ogadenya, kuna booriyaan dhalinyarada inay la dagaalaan gumaysiga oyna marna isu dhiibin cadowgan naxariista daran











Mohamed Darba wayne
Radio Xoriyo, Minneapolis, MN.

 
 

Copyright © 1998- 2002 OGADEN ONLINE  All Rights Reserved. This site is created by Ogaden Online. Reproduction of any material on this site is prohibited without express permission of the site owner and the webmaster.