|
|
|
|
|
Shaqaaqooyin ka bilowday qaybo kala gedisan oo dalka kenya
ka mid ah |
Dec 29,
2007 Rabshaddo ba'an ayaa hareeyey guud
ahaan dalka kenya kadib markii guddiga
doorashooyinka dalka ee ECK ay dib u
dhiggeen ku dhawaaqidda cidda ku guulaysatay
madaxtinimadda dalka,Iyagoo sheeggay in ay
jiraan meelo badan oo aan weli la tirin
codadkii ka yimid,
Arrintan ayaa cirka isku shareertay ka
gadaal markii madaxwaynaha dalka kenya Mwai
Kibaki oo si aad ah uu uga horreeyey
hoggaamiyaha ugu tunka wayn mucaaradka dalka
uu ku soo dhawaaday,taasi oo dhalisay shaki
ah in ay dhici karto in codadka lagu shubto,
Tiro dad ah ayaa ku geeriyooday caasimadda
kenya ee nairobi goor horre oo maanta
ah,iyadoo kumanaan kun oo qof oo caraysan
doonayana in natiijadda lagu dhawaaqo in
dibadbaxyo waawayn oo rabshaddo wata ay ka
dhiggeen magaalooyinka waawayn ee
dalka,Waxaanna guud ahaan ammaanka dalka
haatan gacanta u galay militariga si ay u
ilaaliyaan sharciga iyo kala dambaynta
Goobaha ganacsiga ee xaafadda ay somalidu ka
degto magaaladda nairobi ayaa ah maalintii
sedexaad mid ay albaabadda ay u laaban
yihiin,Waxaanna dadku ay aad uga cabsanayaan
rabshadaha haatan dalka ka socda,Iyadoo
xaafaddaasi islii maanta aysanba jirin wax
gawaari ah oo ka shaqaynaya,Waxaanna
haawanaya dariiqyadda waawayn ee
xaafaddaasi,iyadoo mararka qaar ay dadku
kala cararayaan walow aysan garanaynin waxa
laga cararo
In ka badan 17 wasiir oo ka tirsan
xukuumadda madaxweyne Kibaki ayaa lumiyey
kuraastoodii inkasta oo ay la sheegayo in
codadka ilaa iyo hadda dhiman ee aan la
tirin ay u badan yihiin gobollada uu awoodda
ku leeyahay madaxweynuhu.
Korjoogayaasha caalamiga ah ee doorashada
dalka Kenya ayaa iyaguna sheegay in qaabka
loo soo abaabuley barnaamijku uu yahay mid
heer sare ah xaaladduna ay wanaagsan tahay.
Guddiga doorshada Kenya ayaa soo saaray qayb
kamid ah codadka sheegayna in labada
musharax ay wax yar uun ay haatan is
dheer-yihiin,Iyadoo cabsi wayn ay maanta ka
jirto guud ahaan dalka kenya
--Mursal Quule
Nairobi, Kenya
Ogaden Online News |
|
|
|
|
