March 09, 2008 Wararka ka imanaya magaalada Jigjiga ayaa sheegaya in doraad wadooyinka magaalada la soo dhoobey Ciidamo aad u badan, kuwaas oo xayirey dhamaan isu socodka ganacsiga ee magaalada.

Ciidamadan ayaa waxaa lagu sii dhexdaayey bulshada dhexdeeda iyaga oo xabsiga dhigayey qofkii aanan haysan waraaqaha aqoonsiga.

Sidoo kale, waxaa isla doraad la jarey dhamaan khadka Telefonada ee Magaalada.

Dhinaca kale, waxaa aad looga soo calaacalayaa xaalada abaareed ee saamaysay shacabka dalka oo dhan, haba ugu darnaato biyo la aani.

Sida warku sheegayo waxay Ciidamada Itoobiya hor istaageen booyado biyaha ka ganacsada oo doonaya in ay dadka tabaaleysan biyaha ka iibiyaan.

Halkii Foosto ee biyo ah ayaa hadii la helo waxay magaalada Dhagaxbuur ka maraysaa 30 Bir.


--Ogaden Online News