Ogaden Online: The official homepage of Ogaden on the Internet

Kilimkan lagu magacaabay afka Inggiriisiga "Silent Cry" oo aan ku macnayn lahaa afka Soomaaliha "Himbiriirsi", Ha waa film naxdin iyo xanuunba u leh shacabka Ogaadeenya iyo Aadamaha dareenka lehba sokeeye iyo shisheeyaba. Wax yar oon ka daawaday filimkaan hor dhiciisa ayaa igaga fillaatay inaan wada daawado qaybihiisa oo dhan!. Muuqaalladan ishaydu milicsatay waxy durbba i damaqeen boogtadii ii daboollayd ee urugada gumaysiga Xabashida ee aan lahaan jiray abidkay, maxaa yeelay waxaan ahay qayb ka mid ahsheekadan maanta oo shalay ah nus qarni ka hor. Awal uurkaan ka ooyi jiraye, markuu araggaygu ku dhacay ugu horraayntiiba abaydinkii ina Ogaadeenya ee laba agoonka ahaa, markay indhahaygu arkeen Udggoon siduu Amxaar u galay, ayay indhahaygii godladeen ilmo, jirkayguna ka qallafsanaaday saan xoolaad, waxaana hubaa shacabka Ogaadeenya maanta in iga wayn, in ila ayni ah iyo in iga yarba dareenka xanuunka dhibaatada gumaysiga waa igala mid, damane ito dabaqoodhina yeelkiis. Hase-ahaatee! dhibaatadan dhallinyaradu sida aan ku talagalka ahayn ay kula kulmeen maatada dhibbanayaasha ah ee ku jira xeryaha qaxootiga waxaan leeyahay wali waa ammuur dhibbanaheedi naftiisi oo kaliya kobtaa Eebbe uu soo gaadhsiiyay, waana dhacdo leh muuqaallo naxdin, murugo iyo uurkutaallaba leh. Waxaan ku garaadsaday dhibaatada aadaminnimada ka baxsan ee gumaysiga Xabashidu ay baddo dadkayga iyo dalkayga Ogaadeenyaa, waxaan ka mid ahay dhallaankii ka soo hadhay boqollaalkii qoys ee Xabashidu ku gubtay gurigoodi qiyaasta nus qarni ka hor xasuuqii ka dhacay magaalada Shilaabo 1963- dii. Haddaba filimkan dareenka xambaarsani wuxuu wax yar ka iftiiminayaa dhibaatada baaxadda leh ee soo jireenka ah ee gumaysiga Xabashigu ku hayo shacabka Ogaadeenya ee dunidu u garbadduubtay ujeeddo kasta ha ka lahaadeene. Sidoo kale Filimku wuxuu wax yar ka iftiiminayaa dugaagnnimada gumaysiga Xabashida iyo ismoogaysiinta dawladaha dunida hoggaanka u haya tirtiridda isirka ha ahaato dad, duunyo iyo degaanba ee Xabashidu kula kacayso shacabka Ogaadeenya. Sidoo kale Filimku wuxuu ku baraarujinayaa aaddamaha dunida ee damiirka damqada leh, falaalka dareenka aadamuhu ka dido ee ay u adeegsanayso Xabashidu xasuuqa dadka Ogaadeenya. Dadwaynaha Ogaadeenya wuxuu Filimku lama huraan uga dhigayaa sii xoojinta halganka si aan kala hadh lahayn, sidii heeryada gumaysiga la isaga qaadi lahaa qiimo kasta ha ku qaadatee. Xaalkuna waa sida maahmaahdu tidhi: "Ceelna uma qodna Ceelalyana uma maqna". Sidoo kale Filimku wuxuu hagoogta dhagareed ka qaadayaa siyaasadda cadawga Xabashida, damiirlawayaasha iyo dabaqoodhiga uu adeegsado gumaysigu, sidoo kale diir iyo diin laawaha sokeeyaha Soomaalinnimada sheeganaya ee qoolka u galay gumaystaha Xabashiga, kuwaasoo qaniin ku noqday qaxootiga shacabka Ogaadeenya, kuwaasoo ah kuwa sheegta maamul qabiileedka qoqobtay qalwo goboleedyada hoos taga maamulka cadawga ee Addi ababa. Filimku wuxuu dhiirrigalinayaa aqoon yahanka ku noola gudaha iyo qaarradaha dunida si ay fikraddan suuban ee dhallinyaradan oo kale u qaadan la haayeen si ay u soo bandhigaan baaxadda dhibaatada Ogaadeenya ka jirta, hadday ahaan lahay habka qoraalka, farshaxanka, jilidda, bandhig faneedyada, aftahannimada iwm, taasoo looga dan leeyahay gaadhsiinta damiirka iyo dareenka aadamaha dunida sokeeye iyo shisheeyaba falaalka Nazinnimada ka sii xun ee aadame lagula kacayo qarnigaan inay ka jirto Ogaadeenyaa gudaheeda loona baahan yahay in si deg-dega wax looga qabto badbaadintaq Ogaadeenyaa, loona baahanyahay in la caalamiyeeyo qadiyaddan aadamaha ceebta ku ah ee shacabka Ogaadeenyana baabaabi'inayo', sidoo kale in loogu helo dadka Ogaadeenya dhaqaale badbaado hab kasta oo uu yahayba.
Ugudambayn waxaan leeyahay dhallin yarada isku hawshay filimkaan "Sailent Cry" ( Himbriirsi) sii wada geeddiga, dhabtii dhibaatadan wali way idiin dhiman tahaye! ku tala gala qodxaha oo kabo la'aani yay idinku dhicin! " Baadida ninbaa kula daydayi daalna kaa badane oo aan doonahayn inaad heshaa daa'in abidkaaye ......".

definitely there is a big respond on the documentary shown around the world now and insha Allah change will come soon,im abdifatah a silentcry.co.uk ambassador in norway oslo and we in oslo are still on a progress with the norwegian govement trying 2 make the norwegian govement 2 stop the fonding that they provide 2 the Ethiopian regime and hold them accountable 4 there action