Cutub ka tirsan ciidanka JWXO qaybta Gorgor oo aad u hubaysnaa oo sh kuwa sida gaarka ah u tababaran ayaa habeenkii Isniinta ahayd ee Taariikhdu ku beegnayd 05 Dec. 2011 dagaal ka dhex bilaabay gudaha magaalada Jigjiga,dagaalkaas oo argagax weyn ku riday ciidamada gumaysiga Itoobiya iyo wakiiladiisa Ogadenya ayaa kasoo bilowday meesha la yidhaahdo Sheekh Cali Guure oo dhanka koonfur kaga beegan magaalada Jigjiga kadibna la isla soo galay gudaha magaalada.
Dagaalka oo ahaa mid si khibradi kujirto loosoo qorsheeyey ayaa biloowday fiidkii wuxuuna si aad ah ugu fiday xaafada ABLEELAHA ee magaalada Jigjiga, iyadoo ay adkaatay in dhinacna laga saaro magaalada waxayna rasaastu is daba maraysay muddo ilaa markii dambe ciidamo gurmad ahi ay yimadaan goobta, khasaaraha Wayaanaha (Ciidamada Itoobiya) ayaa weli si faahfaahsan u cadayn, balse wariyaha Ogaden Online iyo Radio Xoriyo uga soo warama magalada Jigjiga ayaa sheegay inay dhimasho iyo dhaawac dhanka Wayaanaha ah jirto,dadkana laga qarinayay inay wax ka ogaadaan.
Shacabka dagan xaafada uu dagaalku ka qarxay ee ABLEELAHA ayaa habeenkii oo dhan la seexan waayey walwal iyo sawaxanka hubka la is weydaarsanayay, waxayna cadeeyeen aroornimadii in ciidamadii JWXO ee dagaalka ku soo qaaday magaalada Jigjiga si nabad galyo ah kaga baxeen. Maamulka dabaqoodhiga ah ee Jigjiga iyo ciidamada gumaysiga ee ku sugan Jigjiga ayay wareer weyn iyo cabsi xoogani ku keenay weerarkan ay ONLF ku soo qaaday Jigjiga. Suuqyada iyo meelaha dadku iskugu yimaado ayaa dhowrkii maalmood ee u dambaysay waxay hadal hayntu ahayd sida kalsoonida leh ee ay cutubyada Jabhada Wadaniga Xoreynta Ogaden (JWXO) dagaalka uu soo qaadeen halkii xarunta iyo xamaamka u ahayd wakiilada iyo dabaqoodhiyiinta gumaysiga. Sida uu noogu soo waramay wariyaheena Magaalada Jigjiga labadii qof ee meel istaagtaba waxa ugu weyn uguna xiisaha badan ee ay ka hadlayeen ayaa ahayd dagaalkaas Jigjiga ka dhacay habeenimadii Isniinta.
Khadadka isgaadhsiinta ee telefonada iyo Internet-ka ayaa dhowrkii maalmood ee lasoo dhaafay hawada laga saaray si aan loo maqlin loona tabinin dagaalkaas ka dhex qarxay gudaha magaalada Jigjiga 05-Dec.2011.
Dhanka kale waxaa dagaalkan loo xidhxidhay dad shacab ah oo kor u dhaafaya 60 qof una badan dadka dagan aaga uu dagaalku kasoo bilowday iyo xaafada uu ku soo fiday. Xaalada magaalada Jigjiga ayaa hada yara degen kadib markay dhowrkii habeen ee u dambaysay bandow ahayd.
Subscribe to this comment's feed
written by BASHIR OGADENIA, December 11, 2011
-
- +0
-
-
written by Hassan, December 12, 2011
-
- +0
-
-
written by mohamed, December 12, 2011
-
- +0
-
-
written by Hibo, December 13, 2011
-
- +0
-
-
written by discount north face jackets, December 29, 2011
And this moment is also a good chance for customers to get cheap North Face jackets. And it is also a good chance for North Face store to raise its North Face sale volume.
-
- +0
-
-
