Ogaden Online: The official homepage of Ogaden on the Internet

Jaaliyada Ogadeniya ee Melbourne, Australia  ayaa ayaa bishan May 16, 2009  Hotel  Safari  ee magaalada Melbourne  xafalad sagootin iyo qado sharaf ah ugu sameysay Abwaan Maxamed Cumar Cabdi (Jaango).

Kulankan ayaa waxaa soo qaban qaabiyey Unugta JWXO ee Melbourne, waxaana ka soo qayb galay qaybaha bulshada Ogadniya oo ay horkacayaan Odey dhaqameedyada, culumaa u diinka, iyo aqoonyahano. Ka soo qaybgakayaasha kulankan ayaa aad u xiiseynayey in ay la kulmaan Mudane Jaango oo beryahan safar xaga fanka ah ku marayey Wadamada Australia iyo Zew Zealand.

Munaasabadan ayaa waxaa ka hadlay Gudoomiyaha  Odayaasha Absame Engineer Fowzi,  waxuuna aad iyo aad igu amanay sida mudane Jaango mar kasta ugu tagan yahay qadiyadiisa, taas oo shacabka Ogadenia meel kasta ay joogan ku jaceleysteen, sida uu ugu istaagey qadiyada  Mudane Fowsi waxuu intas raaciyey in Odayasha Absame ee jooga London fariin ka gaadhsiiyo, fariinaas oo ah in ay hurdada ka kacaan oo ay mideeyaan Odayaash Absame ee London, isla markaana  ka shaqeeyaan sidii loo sameyn lahaa Urur Odayaasha Absame .

Sidoo kale waxaa isna goobtaas ka hadlay mudane Abdi Macalin oo ka war bixiyey Odayaash Absame ee Australia sida ay iskugu duuban yahiin, kuwaas oo ah  far kali ah oo manta hor seeday in Jaaliyada Australia noqoto Jaaliyad isku duuban.  Mudane Cabdi Macalin oo hadalkiisii sii wado waxuu ku yiri jaango ishaadaa ku macalin intii aad joogtay Australi. Mudane Cabdi wuxuu  hadalkiisii ku soo gab gabeyey in Odayasha Absame ee London dagan wax iska badalaan, kuna dadaalaan isku duubnida umada

Mudane Hassan Shuriye oo ka mid ahaa ka soo qaybagalayaasha xafaladan ayaa isna  hadalkiisa ku bilaabay hambalyo u hamblayenayey halgame Jaango sida hadh iyo habeen uu ugu taagan yahay qadiyada Ogadeniya,  waxuuna kula taliyey   inuu sii labo labo halganka Ogadenia.

Ugu dambeyntiina Mudane Jaango oo goobta hadalo kooban ka jeediyay ayaa sheegay inuu aad ugu faraxsan yahay sida  wadanka Australia iyo New Zealand loogu soo dhaweeyey. Mida kaliya ee uu ku muteysteyna ay tahay kaalinta uu kaga jiro halganka shacabka Ogadeniya ugu jiro aayo katashigiisa. aas oo ah mid ina wada faran, ayuu yiri Mudane Jaango. Wuxuuna intaas ku darey in qof kasta doorka kaga aadan uu qabto

Jaango wuxuu kula dardaarmey ka soo qaybgalayaashii xafladaas in si deg-deg ah loo dhiso Urur dhalinyaro, waayo isaga ayaa ka boodi kara darbi kasta oo cadowgu dhiso, isla markaana waxay kaalin libaax ka qaadan karaan isku duubnida shacabka. ama bur burin karto sidas darteyd waa in la dhisaa ururkii dhalinyarada ogadenia, in hortiisa ay ka muuqdaan maanta bulsho mideysan  una jeestay hal meel iyo inay ka shaqeeyaan danaha dalka, dadka,diinta iyo halganka ogadenia muqadiska ah waxuuna ku soo gunaanaday gabay u diray dhalinyarada ogadenia iyo aqoonyahanka.

Gebogabdii xaflada ayaa waxaa hadalka la wareegey Gudoomiyaha Jaaliyda Ogadeniya ee Melbourne, Mudane Hikaam Sheekh Cabdulahi, wuxuuna gudoomiyuhu hadaliisa ku bilaabey in aysan xorimadu iska iman ee ay ku timaado naf iyo maal la huro, waxaana loo bahaan yahay ayuu yiri Mudane Hikaam in la baahanyahay sidii qadiayada Ogadeniya caalamka loogu bandhigi lahaa oo aan ku dagaalano qalinka.


Ogaden Online