Kulan si aad ah loo soo agaasimey ayaa waxaa galabnimadii Sabtida ee July 31, 2010 isagu yimid Jaaliyada Ogadeniya ee Gobolka Minnesota. Kulankan oo ka dhacey madasha shirarka ee Minneapolis Convention Center
Shirkan oo ay ka soo qayb galeen dhamaan qaybaha bulshada Ogadeniya ee Minnesota iyo dadweyne faara badan oo ka socda Jamhuuriyada Soomaaliya ayaa looga hadley arimo badan oo ay ka mid ahaayeen ka hortaga dacaayada balaadhan ee ay Xukumada Itoobiya wado. Dacayadaas oo ay xukumada Itoobiya ku fidineyso been abuur la xidhiidha shaqsiyaadka dhawaan isu dhiibey Itoobiya oo ay xukumada Itooniya ku sheegayso in ay heshiisyo nabadeed la gashey garabyo ama jabahado ka dagaalama Ogadeniya.
Kulankan ayaa waxaa door lixaad leh ka qaatey gadhcasta ama Odey dhaqameedyada Ogadeniya ee Gobolka Minnesoya. Odey dhaqameedyada aya aad uga waramey sooyaalka taariikheed ee halganka Ogadeniya . Mudane Suldaan Maxamuud Canshuur oo ka mid ah Odey dhaqameedyada Gobolka Minnesota ayaa 
aad ugu hadley taariikhdii dheereyd ee shacabaka Ogadeniya ugu jiro ayaa katashigiisa, wuxuuna ku celceliyey khiyaamada uu gumeysigu ku hayo shacabka Ogadeniya iyo sida uu marba meel uga soo galayo. Suldaan Maxamuud Canshuur waxa ku nuuxnuuxsaday in halganka Ogadeniya ayna matali karin 4 qafood oo isu dhiibtey Itoobiya. Suldaanka wuxuu intaas ku daray in shacabka Ogadeniya uu aad uga foojiganyahay khiyaanada gumeysiga wado. Suldaan Maxamuud Canshuur wuxuu hadalkiisa ku soo gabagabeeyey in Itooobiya ayna marnaba dooneyn iney si dhab ah xal uga keento dhibaatada ka aloosan ogadenia.
Sidoo kale, waxaa isna madasha ka hadley Maxamud Nuur oo ah Hogaanka Qorshaynta iyo Cilmibaadhista JWXO, wuxuuna dadweynaha shirka fadhiyey xasuusiyey sababaha keeney in ONLF dagaal hubeysan bilowdo, dagaalkaas oo uu sheegay in ay bilowdey xukumad ku sheegta Itoobiya, wuxuuna tusaale u soo qaatey isku daygii foosha xumaa ee ay Xukumada Itoobiya isku deyday in ay ku disho Gudoomiyhii hore ee ONLF (Ilaah ha u naxariisto) Sh. Ibraahin Cabdalla Maax.
Mudane Maxamuud Nuur waxa kaloo oo uu cadeeyay in aysan ONLF nabada diidaneyn oo ay rabto in la galo wada hadal ay goobjagaayal ka yihiin dawlado iyo ururo calaami ah, taas oo aan ku xidhneyn wax sharuud ah , isla markaana u horseeda bulshada reer Ogadeniya sidii afti looga qaadi lahaa.
Dadkii sida aadka ah uga hadley goobta shirka waxaa ka mid ahaa oo kale Qareen ama Garyaqaaan Soomaaliyeed oo lagu magacaabo Cabdiraxmaan Xaaji Ereg oo ka soo kicitimey Magaalada Rochester isaga iyo aqoonyahano Soomaaliyeed oo kale.
Garyaqaan Cabdiraxmaan Xaaji Ereg waxa uu aad uga hadley sooyaalka taariikheed ee u dhaxeeya Soomaaliya iyo Itoobiya. Mudane Cabdiraxmaan waxaa uu tilmaamey in maanta ay Itoobiya shukaanta u hayso Soomaaliya, wuxuuna intaas raaciyey in dagaalka ay Itoobiya ku hayso Ogadeniya aan laga soo abaabulin oo kaliya Addis Ababa, balse laga soo abaabulo Soomaaliya, sida Muqdisho, Hargeysa iyo Boosaaso iyada oo Itoobiya ay isticmaaleyso dadka Soomaaliyeed.
Kulanka iyo dadka ka hadley oo aad u balaadhnaa ayaa waxay dhamaantood uga digen shacabka Ogadeniya in ka feejignoodaan mardabooyinka uu gumeysiga iyo gumeysi kalkaalku maleegayaan.
Shirka ayaa waxaa iyaduna ka hadashey Gudoomiyaha Ururka Haweenka Ogadeniya ee Minnesota Marwo Fardowsa Daahir oo ka hadashey kaalinta haweenka Ogadeniya aga aadan halganka Ogadeniya. Sidoo kale waxaa shirka a hadley mas’uuliyiin ka mid ah Ururka JWXO, kuwaas oo ka warbixiyey xaalada Ogadeniya iyo mawqifa ONLF eek u aadan shaqsiyaadka isu dhiibey Itoobiya.
Gabagabadii, waxaa xusud mudan majaajilo xambaarsan murti qoto dheer ay goobta shirka ku soo bandhigeen madaalayaasha da’da yar ee Ururka Dhalinyarada Ogadeniya. Majaajiladan oo ku saabsaneyd sida uu gumeysiga Itoobiya u rabo in uu beenta uga gadao shacanka Ogadeniya isaga oo adeegsanaya Idaacada aan dhex-dhexaadka ahayn ee BBC-da.
Subscribe to this comment's feed
written by Bashir, August 02, 2010
-
- +0
-
-
