|
|
|
|
|
Qarax aad u
weyn oo xalay ka dhacey Magaalada Jigjiga |
Jan 13,
2008 War hada naga soo gaadhey Magaalada
Jigjiga ayaa sheegaya in xalay markey
saacadu ahayd 8:30PM fiidno xiliga Jigjiga
qarax aad u weyni ka dhacey guri u degenaa
Sargaal Tigrea ah.
Sida warku sheegayo qaraxaas ayaa waxa uu
baabi'iyey dhamaan dhismihii guriga, waxaana
halkaas oo ay ku dhinteen Gabadh iyo nin
marti u ahaa oo is dhalay iyo cilyaalkiii
ninka Sargaalka ah u dhaley, waxaana koma ku
jira Sargaalkii Tigreaga ahaa iyo xaaskiisii
oo Isbataalka loola cararay.
Hadaba falkan waraxa ah kadib ayaa waxaa
magaalada lagu soo daayey ciidan aad u tiro
badan kuwaas oo baadhis kula kaca magaalada,
iyaga oo qofkii anaan haysan waraaqaha
aqoonsiga ka qaadayey lacag laaluush a oo
dhan 10 riyaal. Ciidamadan ayaa toogadsho ku
diley dameer fadhiyey meel u dhow goobtii
falku ka dhacey.
Dhinaca kale, waxaa saaka shir loogu qabtey
Iskuulka Xuseen Giire dadkii degenaa xaafada
qaraxu ka dhacey, halkaas oo loogu hanjabey
"ninkii qof marti geliya oo aanan soo
diiwaan gelin wuxuu la mid yahay nabad diid"
Shirkan oo uu gudoominayey Wolde Adwa oo ah
wakiilka Itoobiya ee Ogadeniya ayaa waxaa
isna ka hadley duqam Magaalada Jigjiga Yuusuf
Sh. Cabdi Gangaale, kaas oo hadalo aad u
xun-xun goobtaas uga soo jeediyey dadkii
shacabka ahaa ee qasabka lagu soo shiriyey.
Shirkan aya awxaa dadweynaha uga turjumayey
ninka Tigrea aha nin lagu magacaabo Sh.
Maxamed Dheere.
Qaraxan ama weerarkan ayaa ah midkii 3aad ee
loo geysto saraakiisha Tigreaga iyo
sirdoonkooda ku sugan magaaalada Jigjiga
mudo ka yar laba bilood. Ilaa hada ma jirto
cid sheegatey falalkan.
--Ogaden Online News |
|
|
|
|
