|
|
|
|
|
Ciidamada
Itoobiya ee Magaalada Jigjiga oo habeen hore gurigiisa kala
baxay nin lagu magacaabo
Cabdi Casiis
Muxumed Daahir oo lagu (Qaloocoow) |
Sept 20,
2006 Wararka naga soo gaadhaya Magaalada
Jigjiga ayaa sheegaya in Ciidamada Gumaysiga
Itoobiya ay wali sii wadaan xidh xidhka
shacabka aan waxba galabsan.
Hadaba, waxay Ciidamada Gumaysiga Itoobiya
xabsiga u taxaaben habeen hore oo ay ahayd
Sept 19, 2006 Cabdi
Casiis Muxumed Daahir oo lagu naanayso (Qaloocoow)
Sida warku sheegayo waxaa ninkan
laga qabtay isaga oo guriga uu deganaa hurda
xiliga waabarigii ka hor, waxana la geeyay
xerada Ciidamada Gumaysiga ee lagu magacaabo
Garabcase.
Ilaa iyo hada lagama warhayo meel uu ku
suganyahay mana jiraan wax dambi ah oo uu ku
mutaystay xabsigaas.
Wariyaha Ogaden Online iyo Radio Xoriyo oo u
dhaba galay arintan ninkan ayaa sheegaya in
ninkan ahaa Arday waxka barta Addis Ababa,
sida ay xaqiijiyeen dad xog ogaal ka ahaa
qabashada Wiilkaas oo aqoon u leh.
Waxaa la sheegayaa in Jidh dil aad u badan
loo geystay wiilkaas intii Xabsiga loo sii
wadey.
Ogaden Online News |
|
|
|
|
